செய்திக் குறிப்பு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
செய்திக் குறிப்பு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

65வது சுதந்திர தினம்: பாட்டாளி மக்கள் கட்சி நிறுவனர் ராமதாஸ் வெளியிட்டுள்ள வாழ்த்து செய்தி



இந்தியாவின் 65வது சுதந்திர தினவிழா  கொண்டாடப்படுவதையொட்டி பாட்டாளி மக்கள் கட்சி நிறுவனர் ராமதாஸ்  வாழ்த்து தெரிவித்துள்ளார்.  

வாழ்த்து செய்தி:

                தனி ஒருவனுக்கு உணவு இல்லையெனில் ஜகத்தினை அழித்திடுவோம் என்றான் பாரதி. ஆனால் ஒருவேளை உணவுக்கு கூட வழியில்லாமல் இந்தியாவில் தவிப்போரின் எண்ணிக்கை கோடிக்கணக்கில் உள்ளது. தெருவுக்கு தெரு மதுக்கடைகளை திறந்து மக்களிடம் இருக்கும் பணத்தை பறித்துக் கொண்டிருக்கின்றனர். இலவசங்களை ஒழித்து மக்களுக்கு தரமான கல்வி, சிறப்பான மருத்துவம் ஆகியவற்றை வழங்குவதன் மூலமும் மதுவை ஒழிப்பதன் மூலமும்தான் மக்களுக்கு உண்மையான விடுதலையை வழங்க முடியும்.  


தமிழ் அறிஞர் கார்த்திகேசு சிவத்தம்பி மரணம்: பா.ம.க. நிறுவனர் டாக்டர் ராமதாஸ் இரங்கல்

பா.ம.க. நிறுவனர் டாக்டர் ராமதாஸ் வெளியிட்டுள்ள இரங்கல் செய்தி:-

              வீரம் விளையும் இலங்கை வல்வெட்டித்துறையில் பிறந்த சிவத்தம்பி, பர்மிங்காம் பல்கலைக்கழகத்தில் தமிழ் இலக்கியத்தில் முனைவர் பட்டம் பெற்றவர். தமது வாழ்க்கையின் கடைசி நிமிடம் வரை யாழ்ப்பாணம் பல்கலைக்கழகத்தில் மதிப்புறு பேராசிரியராக பணியாற்றி வந்த சிவத்தம்பி, சென்னை பல்கலைக்கழகம், தஞ்சை தமிழ் பல்கலைக்கழகம் டெல்லி ஜவகர்லால் நேரு பல்கலைக்கழகம் மற்றும் ஐரோப்பாவின் பல்வேறு பல்கலைக்கழகங்களில் மதிப்புறு பேராசிரியராக பணியாற்றி தமிழ் வளர்த்தவர்.

              இலங்கை தமிழ் வரலாறு மற்றும் இலக்கியம் குறித்து 200-க்கும் மேற்பட்ட ஆராய்ச்சிக் கட்டுரைகளையும் 70-க்கும் மேற்பட்ட நூல்களையும் எழுதியவர். தமிழில் மட்டுமின்றி ஆங்கிலத்திலும் புலமை பெற்றவர். ஒட்டுமொத்தத்தில் தமிழ் மொழி மற்றும் இலக்கியத்தின் முன்னோடியாகவும், மார்க்சிய சித்தாந்தவாதியாகவும் திகழ்ந்தவர். அவரது மறைவு உலகத்தமிழ் சமுதாயத்திற்கும், தமிழுக்கும் ஏற்பட்ட பேரிழப்பாகும். இவ்வாறு அதில் கூறப்பட்டுள்ளது.


மூத்த பத்திரிக்கையாளர் சின்னக்குத்தூசி மரணம்: ராமதாஸ் இரங்கல்



          

           மூத்த பத்திரிக்கையாளர் திரு,சின்னக்குத்தூசி எ) இரா.தியாரகராஜன் அவர்கள் 22.5.2011 அன்று காலை 7.50 மணிக்கு சென்னையில் மாரடைப்பால் காலமானார். அவருக்கு வயது 77. 

திரு,சின்னக்குத்துர்சி(எ) இரா.தியாரகராஜன் அவர்கள் மறைவையொட்டி பாமக நிறுவனர் ராமதாஸ் வெளியிட்டுள்ள இரங்கல் செய்தியில்,

           முதுபெரும் பத்திரிகையாளரும் அரசியல் விமர்சகருமான சின்னக்குத்தூசி உடல்நலம் பாதிக்கப்பட்டு மருத்துவமனையில் மருத்துவம் பெற்று வந்த நிலையில் காலமானார் என்ற செய்திகேட்டு மிகுந்த அதிர்ச்சியும் வருத்தமும் அடைந்தேன்.

         சின்னக்குத்தூசி பத்திரிகை உலகில் பல்வேறு முத்திரைகளை பதித்தவர். அரசியல் விமர்சனக் கட்டுரைகள் எப்படி இருக்க வேண்டும் என்பதற்கு இலக்கணம் படைத்தவர். ஒரு பத்திரிகையாளர் பொதுவாழ்வில் எப்படி இருக்க வேண்டும் என்பதற்கு முன்னுராதரணமாய் திகழ்ந்தவர். திமுக தலைவர் கலைஞருக்கு உற்ற துணையாய் இருந்தவர். அவரது திடீர் மறைவு கலைஞர் அவர்களுக்கும், பத்திரிகை உலகிற்கும் ஈடுசெய்ய முடியாத இழப்பாகும். அவரது மறைவால் வாடும் அனைவருக்கும் எனது ஆழ்ந்த இரங்கலை தெரிவித்துக்கொள்கிறேன். இவ்வாறு ராமதாஸ் தனது இரங்கல் செய்தியில் கூறியுள்ளார்.



பா.ம.க.நிறுவனர் ராமதாஸ் வெளியிட்ட செய்திக் குறிப்பு



 பா.ம.க.நிறுவனர் ராமதாஸ் வெளியிட்ட செய்திக் குறிப்பு

 தமிழகத்தில் ஒவ்வொரு முறையும் பொறுப்பேற்கும் முதல்வர்கள், தங்களது விருப்பப்படி தலைமைச் செயலகத்தை அமைத்துக்கொள்ள வேண்டும் என விரும்பினால், தமிழகம் தாங்காது.