பால் கொள்முதல் விலையை உயர்த்த வேண்டும்: ராமதாஸ்

சென்னை:

                பால் உற்பத்தியாளர்களின் கோரிக்கையை ஏற்று பால் கொள்முதல் விலையை தமிழக அரசு உயர்த்த வேண்டும் என பாமக நிறுவனர் ராமதாஸ் கூறியுள்ளார்.

இதுகுறித்து பாமக நிறுவனர் ராமதாஸ் சனிக்கிழமை வெளியிட்ட அறிக்கை:

                 பால் கொள்முதல் விலையை உயர்த்த வேண்டும் என வலியுறுத்தி, பால் உற்பத்தியாளர்கள் கடந்த ஒரு வார காலமாக போராட்டம் நடத்தி வருகின்றனர்.கால்நடைத் தீவனத்தின் விலை மற்றும் பால் உற்பத்தியாளர் சங்கங்களுக்கு பாலை எடுத்துச் செல்லும் வாகனச் செலவு ஆகியவை உயர்ந்து கொண்டே போகும் நிலையில், பால் கொள்முதல் விலையை உயர்த்துவது தவிர்க்க முடியாதது.பால் கொள்முதல் விலையை உயர்த்துவதால், பால் விநியோக விலையை அரசு உயர்த்திவிடக் கூடாது. இதைச் சமாளிக்க ஆவின் நிறுவனங்களுக்கு அரசு மானியம் வழங்க வேண்டும். 

              மது விற்பனை மூலம் கிடைக்கும் வருமானத்தின் மூலம், மானியம் வழங்குவதால் ஏற்படும் கூடுதல் செலவை அரசு சமாளிக்கலாம். மேலும் பால் உற்பத்தியாளர்கள் நலச் சங்கங்களில் பணியாற்றும் தொழிலாளர்களை பணி நிரந்தரம் செய்ய வேண்டும் என்ற கோரிக்கையும் முன்வைக்கப்பட்டுள்ளது. இதற்கு உச்ச நீதிமன்றத் தீர்ப்பு தடையாக இருந்தபோதும், அந்தத் தடையை நீக்க அரசு உடனடியாக நடவடிக்கை எடுக்க வேண்டும்.

கடலூர் மாவட்ட செய்திகள்