தேர்தல் அறிக்கை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
தேர்தல் அறிக்கை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

234 தொகுதியிலும் திமுக கூட்டணி வெற்றி பெறும்: பாமக நிறுவனர் ராமதாஸ்

         அதிமுகவுக்கு தோல்வி பயம் வந்துவிட்டதால், திமுகவைப் போலவே தேர்தல் அறிக்கையை வெளியிட்டுள்ளதாக பாமக நிறுவனர் ராமதாஸ் தெரிவித்துள்ளார்.
  
மதுரையில் பேசிய பாமக நிறுவனர் ராமதாஸ், 

                திமுக தலைவர் கருணாநிதி கடந்த தேர்தலில் வெளியிட்ட தேர்தல் அறிக்கையில் சொல்லப்பட்டதை, செய்திருக்கிறார். மேலும் சொல்லாததையும் செய்திருக்கிறார். ஒவ்வொரு குடும்பமும் பயன் அடைந்துள்ளது. தற்போது வெளியிட்டுள்ள திமுக தேர்தல் அறிக்கையால் ஒவ்வொரு குடும்பத்தில் உள்ள நபரும் பயன் அடைவார்கள். கலைஞர் ஆட்சியில் இருந்தால்தான் பல திட்டஙகள் செயல்படுத்தப்படும் என்று மக்கள் நன்றாக புரிந்து வைத்துள்ளார்கள். ஆகையால் 234 தொகுதியிலும் திமுக கூட்டணி வெற்றி பெறும்.


             அதிமுகவுக்கு தோல்வி பயம் வந்துவிட்டதால், திமுகவைப் போலவே தேர்தல் அறிக்கையை அதிமுக பொதுச்செயலாளர் ஜெயலலிதா வெளியிட்டுள்ளார் என்றார்.

தி.மு.க. தேர்தல் அறிக்கை மக்களிடம் வரவேற்ப்பு: பா.ம.க. தலைவர் ஜி.கே.மணி

பா.ம.க. தலைவர் ஜி.கே.மணி வெளியிட்டுள்ள அறிக்கையில் கூறியிருப்பது:-

              தி.மு.க. தேர்தல் அறிக்கையானது, தேர்தல் கதாநாயகி; வெற்றித் திருமகள். 2006-ம் ஆண்டு சட்டமன்ற தேர்தலில் தி.மு.க. தலைமையிலான ஜனநாயக முற்போக்கு கூட்டணியில் பா.ம.க. இடம்பெற்று போட்டியிட்டது. அப்போது, தி.மு.க. தேர்தல் அறிக்கையில் கூறப்பட்ட, ஒரு கிலோ அரிசி ஒரு ரூபாய், இலவச வண்ணத் தொலைக்காட்சி பெட்டி, 7 ஆயிரம் கோடி விவசாய கடன் தள்ளுபடி என்று அனைத்தும் நிறைவேற்றப்பட்டுவிட்டன.

              அந்த தேர்தல் அறிக்கை வெளிவந்த நேரத்தில் மக்கள் மத்தியில் மிகப்பெரிய வரவேற்பு கிடைத்து, வெற்றியும் கிட்டியது. தேர்தல் கதாநாயகன் என்று அப்போது பாராட்டப்பட்டது. இப்போது வெளியிடப்பட்டுள்ள தேர்தல் அறிக்கையை முதல்- அமைச்சர் கருணாநிதி கதாநாயகி என்று கூறியுள்ளார்.

                மகளிர் சுயஉதவி குழுக்களுக்கு ரூ.2 லட்சம் மானியத்துடன் ரூ.4 லட்சம் கடன், இலவச கிரைண்டர் அல்லது மிக்சி, கல்லூரி மாணவர்களுக்கு இலவச லேப்-டாப், வறுமைக் கோட்டிற்கு கீழ் உள்ளவர்களுக்கு மாதந்தோறும் 35 கிலோ இலவச அரிசி, 60 வயதிற்கு மேலானவர்களுக்கு இலவச பஸ் பாஸ், கல்விக்கடனை அரசே ஏற்றுக்கொள்ளும் என ஏராளமான அறிவிப்புகள் தேர்தல் அறிக்கையில் வெளியாகியுள்ளன.

               இதை பார்த்த உடனேயே மக்கள் மத்தியில் நம்பிக்கை ஏற்பட்டுள்ளது. கடந்த தேர்தலில் அறிவித்த அனைத்தையும் நிறைவேற்றியதோடு மட்டுமல்லாமல், கலைஞர் காப்பீட்டு திட்டம், கலைஞர் வீடுவழங்கும் திட்டம் என கூடுதல் திட்டங்களை நிறைவேற்றியதால், இந்த தேர்தல் அறிக்கையில் கூறியதையும் அரசு நிறைவேற்றும் என்ற நம்பிக்கை மக்கள் மத்தியில் ஏற்பட்டு, அவை அனைத்தும் ஓட்டாக மாறும் சூழ்நிலை ஏற்பட்டுள்ளது. தேர்தல் அறிக்கையின் மூலம் தி.மு.க. கூட்டணி மகத்தான வெற்றி பெற்று, முதல்- அமைச்சர் கருணாநிதி 6-வது முறையாக முதல்-அமைச்சராவார். இவ்வாறு அவர் கூறியுள்ளார்.

திமுக தேர்தல் அறிக்கை வெற்றியை தீர்மானிக்கும்: பாமக தலைவர் ஜி.கே. மணி

           திமுக தேர்தல் அறிக்கை, தேர்தல் வெற்றியை தீர்மானிக்கும் வெற்றித் திருமகள் என்று பாமக தலைவர் ஜி.கே. மணி தெரிவித்தார். 

 இது குறித்து  ஞாயிற்றுக்கிழமை பாமக தலைவர் ஜி.கே. மணி கூறியது:

               2006-ல் வெளியிடப்பட்ட திமுக தேர்தல் அறிக்கை கதாநாயகன் என்று போற்றப்பட்டது. திமுக ஆட்சி அமைக்க இந்த தேர்தல் அறிக்கைதான் காரணமாக அமைந்தது. ரூ. 2-க்கு ஒரு கிலோ அரிசி, இலவச கலர் டிவி, விவசாய கடன் தள்ளுபடி என்று அனைத்து வாக்குறுதிகளையும் கடந்த 5 ஆண்டுகளில் திமுக நிறைவேற்றியுள்ளது.  இப்படி சொன்னதை செய்ததோடு மட்டுமல்ல கலைஞர் மருத்துவ காப்பீட்டுத் திட்டம், இலவச வீடு வழங்கும் திட்டம், 108 ஆம்புலன்ஸ் என்று சொல்லாததையும் இந்த அரசு நிறைவேற்றியுள்ளது.  

                முதல்வர் கருணாநிதி "கதாநாயகி' என்று வர்ணித்துள்ள இந்த தேர்தல் அறிக்கையில் இலவச கிரைண்டர் அல்லது மிக்சி, மகளிர் சுய உதவிக் குழுக்களுக்கு ரூ. 2 லட்சம் மானியத்துடன் ரூ. 4 லட்சம் கடன், கல்விக் கடனுக்கான வட்டியை அரசே ஏற்பது, கல்லூரி மாணவர்களுக்கு இலவச லேப்-டாப் என்று பல்வேறு வாக்குறுதிகள் இடம் பெற்றுள்ளன.  2006 தேர்தல் அறிக்கையில் அளித்த வாக்குறுதிகள் நிறைவேற்றப்பட்டுள்ளதால் இந்த தேர்தல் அறிக்கை மக்களிடம் மிகப்பெரிய வரவேற்பையும், நம்பிக்கையையும் ஏற்படுத்தியுள்ளது. இந்த தேர்தல் அறிக்கை தேர்தல் அறிக்கை வெற்றியைத் தேடித் தரும் வெற்றித் திருமகளாகும் என்றார் ஜி.கே. மணி.