விருத்தாசலம்:
விருத்தாசலத்தை அடுத்த பெரியவடவாடியில் பசுமைத்தாயக நாளை முன்னிட்டு மருத்துவர் ராமதாசு கலை அறிவியல் கல்லூரியில் திங்கள்கிழமை மரக்கன்றுகள் நடப்பட்டன.
பசுமைத் தாயக நாளை முன்னிட்டு, விருத்தாசலம் அருகே பெரியவடவாடியில் உள்ள மருத்துவர் ராமதாசு கலை அறிவியல் கல்லூரியில் பசுமைத் தாயகம் சார்பில், மரக்கன்று நடும் விழா நடைபெற்றது. இதில், கல்லூரித் தாளாளர் மருத்துவர் கோவிந்தசாமி மரக்கன்றுகளை நட்டார். பசுமைத் தாயக அமைப்பின் நிர்வாகிகள் ராஜ், மதியழகன், பாமக நிர்வாகிகள் செல்வகுமார், வெங்கடேசன், சீனுவாசன், சிங்காரவேலு மற்றும் பரமசிவம் உள்பட பலர் கலந்து கொண்டனர்.
