கருத்தரங்கம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கருத்தரங்கம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

பசுமை தாயம் சார்பில் சமச்சீர் கல்விL அடுத்தது என்ன என்ற தலைப்பில் கருத்தரங்கம்

 
http://mmimages.mmnews.in/Articles/2011/Aug/e3143948-c521-4782-84ba-c1b1442f5fd5_S_secvpf.gif
 
 http://www.dinamani.com/Images/article/2011/8/26/25ramadas.jpg
 
சென்னை:

               சமச்சீர் கல்விக்கு அடுத்து என்ன? என்ற தலைப்பில் பசுமைத் தாயகம் சார்பில் சென்னையில் நேற்று கருத்தரங்கம் நடந்தது. சவுமியா அன்புணி தலைமை தாங்கினார். முன்னாள் மத்திய மந்திரி ஏ.கே.மூர்த்தி வரவேற்றார்.

          கருத்தரங்கில் முன்னாள் துணைவேந்தர்கள் முத்துக்குமரன், வசந்திதேவி, கல்வியாளர் ராஜகோபால், ஜி.கே.மணி, வக்கீல் பானு ஆகியோர் பேசினார்கள்.  
 
கருத்தரங்கில் பாமக நிறுவனர் டாக்டர் ராமதாஸ் பேசியது

              சமச்சீர் கல்வியின் ஒரு பகுதியாக பொதுப்பாடத்திட்டம் வந்துள்ளது. அனைவருக்கும் தரமான கல்வி கிடைக்க வேண்டும். பள்ளிகளின் கட்டமைப்பு வசதிகளை மேம்படுத்த வேண்டும். 33 சதவீத பள்ளிகளில் பொதுக்கழிப்பிட வசதியில்லை. 6 ஆயிரத்துக்கும் மேற்பட்ட தொடக்கப்பள்ளிகளும், 529 நடுநிலைப் பள்ளிகளும் அரைகுறை கட்டிடங்களில் இயங்குகிறது.  எனவே கட்டமைப்பு வசதிகளை சீர்படுத்த வேண்டும். மெட்ரிக்குலேசன், ஆங்கிலோ இந்தியன், ஓரியண்டல் கல்வித் துறைகளை கலைத்து விட்டு ஒரே கல்வித்துறையின் கீழ் கொண்டு வரவேண்டும்.  இவ்வாறு அவர் பேசினார்.

              கருத்தரங்கில் மு.ஜெயராமன், பசுமைத்தாயம் செயலாளர் அருள், துணை செயலாளர் எஸ்.கே.சங்கர் உள்பட பலர் கலந்து கொண்டனர்.

பசுமைத் தாயகம் சார்பில் சமச்சீர்க் கல்வி: அடுத்தது என்ன? என்ற தலைப்பில் கருத்தரங்கம்: சௌமியா அன்புமணி தலைமை தாங்குகிறார்

பாமக தலைவர் ஜி.கே.மணி வெளியிட்டுள்ள அறிக்கையில்,

             சமச்சீர்க் கல்வி: அடுத்தது என்ன? என்ற தலைப்பில் பசுமைத் தாயகம் அமைப்பின் சார்பில் சென்னையில் 25.08.2011 அன்று சென்னை தியாகராயர் நகரிலுள்ள சர்.பிட்டிதியாகராயர் அரங்கில் கருத்தரங்கம் நடைபெறுகிறது.

             பசுமைத் தாயகம் அமைப்பின் தலைவர் சௌமியா அன்புமணி தலைமையில் நடைபெறும் இந்த கருத்தரங்கில் பாமக நிறுவனர் ராமதாஸ், பாரதிதாசன் பல்கலைக்கழகத்தின் முன்னாள் துணைவேந்தர் முத்துக்குமரன் மற்றும் பாமக தலைவர் ஜி.கே.மணி உள்ளிட்டோர் கலந்துகொண்டு உரையாற்றுகின்றனர்.  இக்கருத்தரங்கில் உண்மையான சமச்சீர்க் கல்வியை எட்ட ஆக்கப்பூர்வமான பல செயல் திட்டங்கள் முன்வைக்கப்பட உள்ளன என்பதை தெரிவித்துக்கொள்கிறேன் என்று கூறியுள்ளார்.

தமிழ் பாதுகாப்பு இயக்கம் சார்பில் "தமிழ் ஈழமே தீர்வு” என்ற தலைப்பில் கருத்தரங்கம்

 http://www.dailythanthi.com/images/news/20110808/pmk.jpg



சென்னை:
 
         தமிழ் பாதுகாப்பு இயக்கம் சார்பில் “தமிழ் ஈழமே தீர்வு” என்ற தலைப்பில் சென்னை சர்.பிட்டி தியாகராயர் அரங்கில் நேற்று கருத்தரங்கம் நடந்தது. கருத்தரங்கில் பா.ம.க. நிறுவனர் டாக்டர் ராமதாஸ்  சிறப்புரை ஆற்றினார்.

பா.ம.க. தலைவர் டாக்டர் ராமதாஸ் பேசியது 


        இலங்கைப் பிரச்னைக்குத் தமிழீழமே தீர்வாக இருக்க முடியும்.  சூடானில் இருந்து தெற்கு சூடான் ஏன் பிரிந்தது? இந்தோனிஷியாவில் இருந்து கிழக்கு தைமூர் ஏன் பிரிந்தது? என்பதையெல்லாம் தமிழீழக் கோரிக்கைக்கு எதிராகப் பேசுபவர்கள் யோசித்துப் பார்க்க வேண்டும்.  தமிழீழத்திற்கு எதிராகப் பேசுபவர்கள் எங்களோடு விவாதிக்கலாம். எந்த இடத்தில் வந்து விவாதிக்கச் சொன்னாலும்  தயாராக இருக்கிறோம். 
 
              2009-ம் ஆண்டு மக்களவைத் தேர்தலில் முசிறியில் ஜெயலலிதா பேசும்போது, "நாங்கள் வெற்றிபெற்றால், இந்திய ராணுவத்தை அனுப்பி பாகிஸ்தானிடம் இருந்து வங்கதேச நாட்டை பிரித்துக் கொடுத்தது போல, இலங்கைக்கு இந்திய ராணுவத்தை அனுப்பி இலங்கைத் தமிழர்களுக்கு தனி நாடு பெற்றுத் தருவோம்' என்று பேசினார்.  இதன் அடிப்படையில் முதல்வர் ஜெயலலிதா சட்டப்பேரவையில் "இலங்கைத் தமிழர்களுக்கு தமிழீழம் அமைய வேண்டும்' என்று தீர்மானம் நிறைவேற்ற வரவேண்டும்.
           2009-ம் ஆண்டு நடைபெற்ற இலங்கை யுத்தத்தில் தமிழர்கள் கொல்லப்பட்டபோது, தமிழகத்தில் வேடிக்கை பார்த்துக்கொண்டிருந்தார் ஒரு தலைவர். அவர் யார் என்று உங்களுக்குத் தெரியும். அவர் பெயரை நான் சொல்லவில்லை. அவரை என்றைக்கும் தமிழன் மன்னிக்க மாட்டான்.இலங்கை இன பிரச்சினைக்கு ஒரே தீர்வு “தமிழ் ஈழம்தான்”. தமிழ் ஈழம் மலரும் வரை குரல் கொடுப்போம் என்றார். 

               கருத்தரங்கில் பா.ம.க. தலைவர் ஜி.கே.மணி, முன்னாள் மத்திய மந்திரி ஏ.கே.மூர்த்தி, மாவட்ட செயலாளர்கள் ஜெயராமன், ஜமுனா கேசவன், அம்பத்தூர் கே.என்.சேகர், பி.கே.சேகர், உள்பட பலர் கலந்து கொண்டனர்.