பரமக்குடி துப்பாக்கி சூடு சம்பவம்: இறந்தவர்கள் குடும்பத்துக்கு தலா ரூ.10 லட்சம் அளிக்க பா.ம.க.சட்டமன்ற உறுப்பினர் அ.கணேஷ்குமார் கோரிக்கை

சூட்டசபையில் பரமக்குடி துப்பாக்கி சூடு தொடர்பாக சிறப்பு கவன ஈர்ப்பு தீர்மானம் கொண்டு வரப்பட்டது. 

அதன் மீது நடந்த விவாதத்தில் பங்கேற்று செஞ்சி பா.ம.க.சட்டமன்ற உறுப்பினர் அ.கணேஷ்குமார் பேசியது

                  நடந்த சம்பவத்தால் தென் மாவட்டங்களில் பதட்டம் ஏற்பட்டுள்ளது. சட்டம்-ஒழுங்கை பாதுகாக்க வேண்டியது அவசியம்தான் என்றாலும் மனித உயிர்களை பாதுகாக்க வேண்டியது மிகவும் அவசியம். போலீசார் இந்த விஷயத்தில் நிதானமாக நடந்து கொள்ளாமல் துப்பாக்கி சூடு நடத்தியது சரி அல்ல. சம்பந்தப்பட்டவர்கள் மீது நடவடிக்கை தேவை. இறந்தவர்கள் குடும்பத்துக்கு தலா ரூ.10 லட்சமும், பாதிக்கப்பட்டவர்களுக்கு தலா ரூ.2 லட்சம் வழங்கவேண்டும். இந்த சம்பவத்தின் உண்மை நிலையை தெரிந்து கொள்வதற்கு உயர்நீதிமன்ற நீதிபதி தலைமையில் விசாரணை நடத்த வேண்டும்.

கடலூர் மாவட்ட செய்திகள்

செஞ்சி அரசு மருத்துவமனையில் பா.ம.க.எம்.எல்.ஏ.கணேஷ் குமார் ஆய்வு

செஞ்சி : 

        செஞ்சி அரசு மருத்துவ மனையில் கலெக்டர் உத்தரவுக்கு பிறகும் அடிப்படை வசதிகள் செய்யப்படவில்லை என்பது தெரிய வந்துள்ளது. செஞ்சி எம்.எல்.ஏ., கணேஷ் குமார் நேற்று காலை 10.30 மணிக்கு செஞ்சி அரசு மருத்துவமனையில் திடீர் ஆய்வு செய்தார். பெண்கள் வார்டில் இருந்தவர்கள் கடந்த மூன்று தினங்களாக கழிப்பறையில் தண்ணீர் வரவில்லை என புகார் தெரிவித்தனர். மருத்துவமனை வளாகத்தில் குடிநீர் வசதியில்லை என பொதுமக்கள் கூறினர்.


             மருத்துவமனையின் பின்பகுதியை ஆய்வு செய்த பின்னர், அந்த பகுதி அசுத்தமாக இருப்பதை மருத்துவ அலுவலர் பாலகோபாலிடம் எம்.எல்.ஏ., சுட்டி காட்டினார். போதிய பணியாளர் இல்லாதால் முழுமையாக துப்புரவு பணி செய்ய முடியவில்லை என டாக்டர் தெரிவித்தார். குழாய்களில் தண்ணீர் வராமல் இருப்பது குறித்து விசாரிக்க பொதுப்பணித்துறை உதவி பொ றியாளர் பிரவீன் குமாரை மொபைல் போனில் தொடர்பு கொண்டு மருத்துவமனைக்கு வரவழைத்தார். அவர் குடிநீர் பிரச்னை குறித்து புகார் செய்யப்படவில்லை எனவும், குறைகளை உடனே சரி செய்வதாகவும் கூறினார்.

               ஆய்வின் போது பா.ம.க., மாவட்ட தலைவர் தங்கசுந்தர்ராஜன், நகர செயலாளர் ரகுபதி உட்பட பலர் உடன் இருந்தனர். கடந்த சில நாட்களுக்கு முன்பு செஞ்சி அரசு மருத்துவமனையில் கலெக்டர் மணிமேகலை ஆய்வு செய்தார். அப்போது குடிநீர், கழிப்பிடத்திற்கு முழுமையாக தண்ணீர் வசதி செய்யும் படி அதிகாரிகளுக்கு உத்தரவிட்டிருந்தார். இதன் பிறகும் பெண்கள் வார்டில் கடந்த மூன்று நாட்களாக கழிவறையில் தண்ணீர் வராமல் நோயாளிகள் அவதிப்படும் நிலை எம்.எல்.ஏ., நடத்திய ஆய்வில் தெரிய வந்துள்ளது.

கடலூர் மாவட்ட செய்திகள்

இலங்கை அதிபருக்கு எதிராக நடவடிக்கை : பாமக சட்டமன்ற உறுப்பினர் அ.கணேஷ்குமார் வரவேற்பு

           ஆளுநர் உரைக்கு நன்றி தெரிவிக்கும் தீர்மானத்தின்  மீது செஞ்சி சட்டமன்ற பாமக  உறுப்பினர் அ.கணேஷ்குமார் பேசினார்.   

 செஞ்சி சட்டமன்ற பாமக  உறுப்பினர் அ.கணேஷ்குமார் பேசியது

        இலங்கை அதிபருக்கு எதிராக நடவடிக்கை எடுக்க மத்திய அரசை வலியுறுத்தி தீர்மானம் நிறைவேற்றபட்டுள்ளதை பாமக வரவேற்கிறது. அனால் அங்குள்ள தமிழர்கள் சுய மரியாதையுடன் வாழ வேண்டும் என்றால், தனி ஈழம் தான் சரியான வழி என்று பேசினார்.

 

கடலூர் மாவட்ட செய்திகள்

பாட்டாளி மக்கள் கட்சி மூன்று தொகுதிகளில் வெற்றி

         திமுக கூட்டணியில் இடம்பெற்றுள்ள பாமக 30 தொகுதிகளில் போட்டியிட்டது. அதில் செஞ்சி, ஜெயங்கொண்டம், அணைக்கட்டு ஆகிய 3 தொகுதிகளில்  பாமக வெற்றி பெற்றது. கடந்த சட்டமன்ற தேர்தலில் பாமக 17 தொகுதிகளில் வெற்றி பெற்றிருந்தது

கடலூர் மாவட்ட செய்திகள்

விழுப்புரம் மாவட்டத்தில் பா.ம.க. செல்வாக்கு

          விழுப்புரம் மாவட்டத்தில், தி.மு.க., கூட்டணியில் பா.ம.க.போட்டியிட்டனர்.  

போட்டியிட்ட தொகுதிகளில் பதிவான ஓட்டுகள் அடிப்படையிலான நிலவரம்:

திண்டிவனம் (தனி): 

            பொது தொகுதியாக இருந்தபோது, 1991, 1996 மற்றும் 2006 தேர்தல்களில் பா.ம.க., தலைமை நிலைய செயலர் கருணாநிதி போட்டியிட்டு, மூன்று முறையும் தோல்வியடைந்தார். மறு சீரமைப்பில் திண்டிவனம் தற்போது தனி தொகுதியாக மாற்றப்பட்டுள்ளது.

              இத்தொகுதியில், 1 லட்சத்து, 88 ஆயிரத்து, 405 வாக்காளர்கள் உள்ளனர். பா.ம.க.,வில் சங்கர், அ.தி.மு.க.,வில், டாக்டர் ஹரிதாஸ்  நேரடி போட்டியில் குதித்தனர். தேர்தலில், 76 ஆயிரத்து, 599 ஆண்கள், 75 ஆயிரத்து, 856 பெண்கள், திருநங்கை ஒருவர் உட்பட, 1 லட்சத்து, 52 ஆயிரத்து, 456 பேர் ஓட்டளித்துள்ளனர்.

       பா.ம.க., நிறுவனர் ராமதாசின் சொந்த ஊர் என்பதால், வேட்பாளர் சங்கருக்கு ஆதரவாக நிர்வாகிகள் பம்பரமாக சுழன்று பணியாற்றினர். அ.தி.மு.க., வேட்பாளர் ஹரிதாஸ், மரக்காணம் மீனவ சமுதாய ஓட்டுகள் அதிகளவில் கிடைக்கும் என்ற நம்பிக்கையில் உள்ளார். பா.ம.க., இம்முறை வெற்றி பெற வேண்டும் என்ற பா.ம.க., நிறுவனர் ராமதாசின் கனவு நனவாக காத்திருக்கின்றனர். 

மயிலம்: 

            பா.ம.க., சார்பில் பிரகாஷ், அ.தி.மு.க., சார்பில் நாகராஜன் இடையே போட்டி உள்ளது. இங்கு, 2 லட்சத்து, 13 ஆயிரத்து, 236 வாக்காளர்கள் உள்ளனர். இதில், 77 ஆயிரத்து, 148 ஆண்கள், 74 ஆயிரத்து, 20 பெண்கள், திருநங்கை ஒருவர் உட்பட, 1 லட்சத்து, 73 ஆயிரத்து, 794 பேர் ஓட்டளித்தனர். பா.ம.க., வேட்பாளருக்கு முன்னாள் மத்திய அமைச்சர் ஏ.கே.மூர்த்தி மேற்பார்வையில், கூட்டணி கட்சியினர் கடுமையாக உழைத்தனர். கடைசி வரை, அ.தி.மு.க., வேட்பாளர் மீது அதிருப்தி நீங்கவில்லை. தே.மு.தி.க.,விலும் சரியான ஒத்துழைப்பு இல்லாததால், பா.ம.க., வேட்பாளர் பிரகாஷ்  வெற்றிக்காக  கத்து இருக்கிறார்.

செஞ்சி: 

            பா.ம.க., சார்பில் கணேஷ் குமார், தே.மு.தி.க., சார்பில் சிவா,  நேரடி போட்டியில் உள்ளனர். மொத்தமுள்ள, 2 லட்சத்து, 13 ஆயிரத்து, 236 வாக்காளர்களில், 87 ஆயிரத்து, 530 ஆண்கள், 86 ஆயிரத்து, 254 பெண்கள், திருநங்கை ஒருவர் உட்பட, 1 லட்சத்து, 73 ஆயிரத்து, 794 பேர் ஓட்டளித்தனர். கடந்த தேர்தல்களில், அ.தி.மு.க., - தே.மு.தி.க., தனியாக பெற்ற ஓட்டுகள் அடிப்படையில், தே.மு.தி.க., வேட்பாளர் சிவா வெற்றி களிப்பில் உள்ளார். ஜாதி அடிப்படையில் தங்களுக்கு தனி செல்வாக்கு இருப்பதாக, பா.ம.க., வேட்பாளர் கணேஷ்குமார் நம்பிக்கையில் உள்ளார்.

கடலூர் மாவட்ட செய்திகள்

மயிலம், செஞ்சி தொகுதி பா.ம.க. வேட்பாளர்களை ஆதரித்து ராமதாஸ் பிரச்சாரம்

செஞ்சி:

விழுப்புரம் மாவட்டம் மயிலம், செஞ்சி தொகுதி பா.ம.க., வேட்பாளர்களை ஆதரித்து வீரணாமூர், நெகனூர், மேல்மலையனூர், செஞ்சி ஆகிய இடங்களில் ராமதாஸ் பேசியது:

             ஒழுங்கு முறை விற்பனை கூடம் ஒழுங்கில்லாத விற்பனை கூடமாக உள்ளது. விவசாயிகளுக்கு பணம் பட்டுவாடா செய்ய பலநாள் ஆகிறது. வெயில் காலம் போன பின், நானே செஞ்சிக்கு வந்து போராட்டம் நடத்துவேன். போராட்டம் நடத்துவது, எனக்கு திருப்பதி லட்டு சாப்பிடுவது மாதிரி. ஜெ., கோவையில் நடத்திய கூட்டத்தில் பிரகாஷ் கரத், நாயுடு வந்தனர். இவர்களுக்கு தமிழ்நாட்டில் என்ன செல்வாக்கு உள்ளது. 

           இவர்கள் சொல்லி இங்கே யார் ஓட்டு போடுவர்? கூட்டணியில் உள்ள நடிகர் அந்த கூட்டத்திற்கு போகவில்லை. அவர் வந்திருந்தால் கூட்டம் பாதியில் கலைந்திருக்கும். அவர், "ஆப்' அடித்துவிட்டு எங்களுக்கு ஆப்பு அடியுங்கள் என்று சொல்லி இருக்கிறார்.  விஜயகாந்தும், ஜெ.,வும் ஒரே மேடையில் பேச வேண்டும் என ஆசைப்பட்டோம். எங்கள் ஆசை நிராசையாகி விட்டது. இவ்வாறு ராமதாஸ் பேசினார்.

கடலூர் மாவட்ட செய்திகள்

செஞ்சி சட்டமன்றத் தொகுதி பாமக வேட்பாளர் அ.கணேஷ்குமாரை ஆதரித்து அன்புமணி ராமதாஸ் பிரச்சாரம்

செஞ்சி தொகுதி பாமக வேட்பாளர் அ.கணேஷ்குமாரை ஆதரித்து மேல்மலையனூரில் பிரசாரம் செய்யும் அன்புமணிராமதாஸ்.

செஞ்சி:

            தமிழகத்தில் ஆறாவது முறையாக கருணாநிதி முதல்வராக வேண்டும்; அதற்கு நாம் அனைவரும் ஒற்றுமையாகச் செயல்பட வேண்டும் என்று முன்னாள் மத்திய அமைச்சர் அன்புமணி ராமதாஸ் புதன்கிழமை வளத்தியில் நடைபெற்ற பிரசாரக் கூட்டத்தில் பேசினார்.

செஞ்சி தொகுதி பாமக வேட்பாளர் அ.கணேஷ்குமாரை ஆதரித்து முன்னாள் மத்திய அமைச்சர் அன்புமணி ராமதாஸ் பேசியது:

                  செஞ்சி தொகுதி வேட்பாளர் தமிழக வேட்பாளர்களிடையே மிகக் குறைந்த வயதுடையவர். என்னப் பிரச்னைகள் ஆனாலும் தீர்த்து வைக்கக்கூடியவர். இவர் இங்கு வெற்றி பெற்றால்தான் அங்கு கருணாநிதி முதல்வராக முடியும். அரசின் நல்ல திட்டங்கள் அனைத்தும் தொடரும். ஜெயலலிதா 10 ஆண்டுகள் தமிழகத்தில் முதல்வராக இருந்தார். 

             இங்கு அதிமுகவினர் யாராவது இருந்தால் மைக் தருகிறேன் ஜெயலலிதாவின் ஒரு நல்ல திட்டத்தையாவது கூற முடியுமா? கருணாநிதி வாரத்துக்கு பள்ளி பிள்ளைகளுக்கு 5 முட்டைகளை வழங்கினார். திருமண உதவித்திட்டம், ஒரு ரூபாய் அரிசி என பல் வேறு நல திட்டங்களை வழங்கினார்.ஆனால் ஜெயலலிதா திருமண உதவித் திட்டத்தை ரத்து செய்தார், இலவச மின்சாரத்தை ரத்து செய்தார், கருணாநிதி நாட்டுக்கும் வீட்டுக்கும் நல்லது செய்தார். 
 

            ஜெயலலிதா சொன்னதைச் செய்யமாட்டார்.கருணாநிதி சொன்னதைச் செய்யக்கூடியவர். இலவச டி.வி., கேஸ் இணைப்பு கொடுத்தார் தற்போது தி.மு.க. தேர்தல் அறிக்கையில் மிக்சி, கிரைண்டர் கொடுப்பதாகக் கூறியுள்ளார். ஜெயலலிதா அறிவித்துள்ள தேர்தல் அறிக்கையில் ஆடு, மாடு வழங்கப்படும் என அறிவித்து மாணவர்களை பள்ளிக்கூடம் போகவிடாமல் ஆடு மேய்க்க போக வழி கூறியுள்ளார் என்றார் அன்புமணி ராமதாஸ்.

              இதனைத் தொடர்ந்து மேல்மலையனூர், அவலூர்பேட்டை, கடலாடிகுளம், ஆலம்பூண்டி உள்ளிட்ட இடங்களில் அன்புமணிராமதாஸ் பிரசாரம் செய்தார்.பிரசாரத்தின் போது முன்னாள் மத்திய இணை அமைச்சர்கள் செஞ்சி ராமச்சந்திரன், ஏ.கே.மூர்த்தி, மாவட்ட அவைத்தலைவர் செஞ்சிமஸ்தான் ஆகியோர் உடன் இருந்தனர்.

கடலூர் மாவட்ட செய்திகள்

செஞ்சி சட்டமன்றத் தொகுதி பா.ம.க.வேட்பாளர் அ.கணேஷ்குமார் வரலாறு

 தொகுதி : செஞ்சி சட்டமன்றத் தொகுதி 

 

கட்சி : பா.ம.க. 

பெயர் : அ.கணேஷ்குமார் 

வயது : 26 

கல்வி : பி.இ. 

வசிப்பிடம் : வந்தவாசி 

தொழில் : பொறியியல் கல்லூரி நிர்வாகி 

சமூகம் : வன்னியர் 

கட்சிப் பொறுப்பு : திருவண்ணாமலை மாவட்டச் செயலர் 

குடும்பம் : 

தந்தை - பேராசிரியர் அருணாச்சலம் 

தாயார் - பாலாமணி

கடலூர் மாவட்ட செய்திகள்