மயிலம் சட்டமன்றத் தொகுதி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
மயிலம் சட்டமன்றத் தொகுதி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

விழுப்புரம் மாவட்டத்தில் பாமக நிர்வாகிகள் மாற்றம்

விழுப்புரம்:

            தேர்தல் பணியில் கூட்டணிக் கட்சியினருக்கு முழுமையாக இறங்கி பணியாற்றாததால் தமிழகம் முழுவதும் 1560 நிர்வாகிகளை பாமக நிறுவனர் ராமதாஸ் அதிரடியாக நீக்கியுள்ளார்.  

              தமிழகத்தில் உள்ள வருவாய் மாவட்டத்தில் உள்ள 2 தொகுதிகளுக்கு ஒரு மாவட்டச் செயலர் என்றும், மாவட்டத்துக்கு ஒரு மாநில துணைப் பொதுச் செயலர் என்றும் நிர்வாகிகள் நியமிக்கப்பட்டிருந்தனர்.  இதேபோல் மாணவர் அணி, விவசாய அணி என்று ஒரு மாவட்டத்துக்கு 52 செயலர்கள் வீதம் 30 மாவட்டங்களில் 1560 மாவட்டச் செயலர்கள் இருந்தனர்.  இந்த நிர்வாகிகளுக்கு பக்குவமின்மையும், தொண்டர்களை அரவணைத்துப் போகும் மனப்பக்குவம் இல்லாததால் கட்சித் தொண்டர்களிடையை அதிருப்தி நிலவியது.  

             அதேபோல் தற்போது சட்டப்பேரவை உறுப்பினர்களாக உள்ள 18 பேரில் 7 பேருக்கு மட்டுமே இந்த தேர்தலில் வாய்ப்பளிக்கப்பட்டது. புதிதாக அறிவிக்கப்பட்ட பெரும்பாலான வேட்பாளர்கள் தொகுதியை சாராதவர்களாக இருந்தனர். உதாரணமாக விழுப்புரம் மாவட்டத்தில் மயிலம், செஞ்சி ஆகிய தொகுதிகளுக்கு வெளிமாவட்டங்களிலிருந்து வந்தவர்கள் போட்டியிட்டனர்.

             சில திமுக மாவட்டச் செயலர்கள் இப்பிரச்னையை ராமதாஸ், அன்புமணி ராமதாஸ் ஆகியோரின் கவனத்துக்கும், தங்கள் கட்சி தலைமைக்கும் கொண்டு சென்றனர். இதனால் பாமக தலைமை, சம்மந்தப்பட்ட நிர்வாகிகளை தொலைபேசியில் தொடர்பு கொண்டு ஒழுங்காக பணியாற்றக் கூறியும் பலர் ஈடுபாட்டுடன் செயல்படவில்லை.  

                இந்நிலையில் அண்மையில் முதல்வர் கருணாநிதியை சந்தித்த ராமதாஸிடம், தனது மனக்குறையை கருணாநிதி தெரிவித்ததாக கூறப்படுகிறது. இதனால் ராமதாúஸ அதிர்ச்சியடைந்துள்ளார்.  இதனால் வந்த வேகத்தில் அனைத்து மாவட்டச் செயலர்களின் பதவிகளும் பறிக்கப்படுவதாகவும், மாநில துணைப் பொதுச் செயலர்களாக உள்ளவர்கள் ஒருங்கிணைந்த மாவட்டச் செயலர்களாக செயல்படுமாறும் தெரிவித்துள்ளார்.   வெளிப்படையாக அறிவிக்கப்படாமல் தனித்தனியாக தொலைபேசியில் தெரிவிக்கப்பட்டுள்ளது. இதன் மூலம் தமிழகம் முழுவதும் உள்ள 1560 மாவட்ட நிர்வாகிகளின் பதவி பறிக்கப்பட்டுள்ளது.

விழுப்புரம் மாவட்டத்தில் பா.ம.க. செல்வாக்கு

          விழுப்புரம் மாவட்டத்தில், தி.மு.க., கூட்டணியில் பா.ம.க.போட்டியிட்டனர்.  

போட்டியிட்ட தொகுதிகளில் பதிவான ஓட்டுகள் அடிப்படையிலான நிலவரம்:

திண்டிவனம் (தனி): 

            பொது தொகுதியாக இருந்தபோது, 1991, 1996 மற்றும் 2006 தேர்தல்களில் பா.ம.க., தலைமை நிலைய செயலர் கருணாநிதி போட்டியிட்டு, மூன்று முறையும் தோல்வியடைந்தார். மறு சீரமைப்பில் திண்டிவனம் தற்போது தனி தொகுதியாக மாற்றப்பட்டுள்ளது.

              இத்தொகுதியில், 1 லட்சத்து, 88 ஆயிரத்து, 405 வாக்காளர்கள் உள்ளனர். பா.ம.க.,வில் சங்கர், அ.தி.மு.க.,வில், டாக்டர் ஹரிதாஸ்  நேரடி போட்டியில் குதித்தனர். தேர்தலில், 76 ஆயிரத்து, 599 ஆண்கள், 75 ஆயிரத்து, 856 பெண்கள், திருநங்கை ஒருவர் உட்பட, 1 லட்சத்து, 52 ஆயிரத்து, 456 பேர் ஓட்டளித்துள்ளனர்.

       பா.ம.க., நிறுவனர் ராமதாசின் சொந்த ஊர் என்பதால், வேட்பாளர் சங்கருக்கு ஆதரவாக நிர்வாகிகள் பம்பரமாக சுழன்று பணியாற்றினர். அ.தி.மு.க., வேட்பாளர் ஹரிதாஸ், மரக்காணம் மீனவ சமுதாய ஓட்டுகள் அதிகளவில் கிடைக்கும் என்ற நம்பிக்கையில் உள்ளார். பா.ம.க., இம்முறை வெற்றி பெற வேண்டும் என்ற பா.ம.க., நிறுவனர் ராமதாசின் கனவு நனவாக காத்திருக்கின்றனர். 

மயிலம்: 

            பா.ம.க., சார்பில் பிரகாஷ், அ.தி.மு.க., சார்பில் நாகராஜன் இடையே போட்டி உள்ளது. இங்கு, 2 லட்சத்து, 13 ஆயிரத்து, 236 வாக்காளர்கள் உள்ளனர். இதில், 77 ஆயிரத்து, 148 ஆண்கள், 74 ஆயிரத்து, 20 பெண்கள், திருநங்கை ஒருவர் உட்பட, 1 லட்சத்து, 73 ஆயிரத்து, 794 பேர் ஓட்டளித்தனர். பா.ம.க., வேட்பாளருக்கு முன்னாள் மத்திய அமைச்சர் ஏ.கே.மூர்த்தி மேற்பார்வையில், கூட்டணி கட்சியினர் கடுமையாக உழைத்தனர். கடைசி வரை, அ.தி.மு.க., வேட்பாளர் மீது அதிருப்தி நீங்கவில்லை. தே.மு.தி.க.,விலும் சரியான ஒத்துழைப்பு இல்லாததால், பா.ம.க., வேட்பாளர் பிரகாஷ்  வெற்றிக்காக  கத்து இருக்கிறார்.

செஞ்சி: 

            பா.ம.க., சார்பில் கணேஷ் குமார், தே.மு.தி.க., சார்பில் சிவா,  நேரடி போட்டியில் உள்ளனர். மொத்தமுள்ள, 2 லட்சத்து, 13 ஆயிரத்து, 236 வாக்காளர்களில், 87 ஆயிரத்து, 530 ஆண்கள், 86 ஆயிரத்து, 254 பெண்கள், திருநங்கை ஒருவர் உட்பட, 1 லட்சத்து, 73 ஆயிரத்து, 794 பேர் ஓட்டளித்தனர். கடந்த தேர்தல்களில், அ.தி.மு.க., - தே.மு.தி.க., தனியாக பெற்ற ஓட்டுகள் அடிப்படையில், தே.மு.தி.க., வேட்பாளர் சிவா வெற்றி களிப்பில் உள்ளார். ஜாதி அடிப்படையில் தங்களுக்கு தனி செல்வாக்கு இருப்பதாக, பா.ம.க., வேட்பாளர் கணேஷ்குமார் நம்பிக்கையில் உள்ளார்.





மயிலம், செஞ்சி தொகுதி பா.ம.க. வேட்பாளர்களை ஆதரித்து ராமதாஸ் பிரச்சாரம்

செஞ்சி:

விழுப்புரம் மாவட்டம் மயிலம், செஞ்சி தொகுதி பா.ம.க., வேட்பாளர்களை ஆதரித்து வீரணாமூர், நெகனூர், மேல்மலையனூர், செஞ்சி ஆகிய இடங்களில் ராமதாஸ் பேசியது:

             ஒழுங்கு முறை விற்பனை கூடம் ஒழுங்கில்லாத விற்பனை கூடமாக உள்ளது. விவசாயிகளுக்கு பணம் பட்டுவாடா செய்ய பலநாள் ஆகிறது. வெயில் காலம் போன பின், நானே செஞ்சிக்கு வந்து போராட்டம் நடத்துவேன். போராட்டம் நடத்துவது, எனக்கு திருப்பதி லட்டு சாப்பிடுவது மாதிரி. ஜெ., கோவையில் நடத்திய கூட்டத்தில் பிரகாஷ் கரத், நாயுடு வந்தனர். இவர்களுக்கு தமிழ்நாட்டில் என்ன செல்வாக்கு உள்ளது. 


           இவர்கள் சொல்லி இங்கே யார் ஓட்டு போடுவர்? கூட்டணியில் உள்ள நடிகர் அந்த கூட்டத்திற்கு போகவில்லை. அவர் வந்திருந்தால் கூட்டம் பாதியில் கலைந்திருக்கும். அவர், "ஆப்' அடித்துவிட்டு எங்களுக்கு ஆப்பு அடியுங்கள் என்று சொல்லி இருக்கிறார்.  விஜயகாந்தும், ஜெ.,வும் ஒரே மேடையில் பேச வேண்டும் என ஆசைப்பட்டோம். எங்கள் ஆசை நிராசையாகி விட்டது. இவ்வாறு ராமதாஸ் பேசினார்.

மயிலம் தொகுதி பா.ம.க வேட்பாளர் இ.ரா.பிரகாஷை ஆதரித்து வல்லத்தில்அன்புமணி ராமதாஸ் பிரச்சாரம்


நலத்திட்டங்கள் தொடர  

கருணாநிதி மீண்டும் முதல்-அமைச்சராக வேண்டும்; 

முன்னாள் மத்திய மந்திரி அன்பு மணி பிரசாரம் 



மயிலம் :

      மயிலம் தொகுதி பா.ம.க வேட்பாளர் பிரகாசை ஆதரித்து வல்லத்தில் முன்னாள் மத்திய மந்திரி அன்புமணி பேசினார். 
அப்போது  அன்புமணி கூறியது:-



             கலைஞர், சோனியா காந்தி, டாக்டர் ராமதாஸ், திருமாவளவன், ஆகியோரது கூட்டணி வெற்றி கூட்டணி. இந்த கூட்டணி சமூக நீதிக்காக ஏற்பட்ட கூட்டணி. இங்கே போட்டியிடும் வேட்பாளர் பிரகாஷ் இதே தொகுதியை சேர்ந்த கீழ்மாம்பட்டை சேர்ந்தவர். பிரகாஷ் வெற்றி பெற மாம்பழ சின்னத்திற்கு வாக்களியுங்கள்.


              கலைஞர் திட்டங்களான ஒரு ரூபாய்க்கு அரிசி, 108 ஆம்புலன்ஸ், கலைஞர் காப்பீட்டு திட்டம் உள்பட பல்வேறு நலத்திட்டங்கள் தொடரவேண்டுமானால் கலைஞர் 6-வது முறையாக மீண்டும் முதல் அமைச்சராக வேண்டும். எனவே இத்தொகுதியில் போட்டியிடும் வேட்பாளர் பிரகாசை வெற்றிபெறச் செய்யுங்கள். இவ்வாறு அவர் பேசினார்.


             கூட்டத்தில் முன்னாள் மத்திய மந்திரிகள் செஞ்சி ராமச்சந்திரன், ஏ.கே.மூர்த்தி, மற்றும் கண்ணன் எம்எல்ஏ, விவசாய மைய மாநில தலைவர் சடகோபன், மாவட்ட செயலர் மணிமாறன், ஓன்றிய செயலாளர்கள் அண்ணா துரை, வேல்முருகன், மாவட்ட ஊராட்சி தலைவர் வசுந்தரா தேவி, சேட்டு, வக்கீல் ராஜேந்திரன், இளம் வழுதி, மாவட்ட இளைஞர் அணி சிட்டிபாபு, கன்னியப்பன், மாரி, தனஞ்செழியன், ஸ்ரீதர், உள்பட பலர் கலந்து கொண்டனர்.

மயிலம் சட்டமன்றத் தொகுதி பா.ம.க. வேட்பாளர் பிரகாஷ் வாக்கு சேகரிப்பு

 
வல்லம் பகுதியில் பா.ம.க. வேட்பாளர் பிரகாஷ் தீவிர வாக்கு சேகரிப்பு




செஞ்சி:
         வல்லம் பகுதியில் மயிலம் தொகுதி பா.ம.க. வேட்பாளர் பிரகாஷ் வாக்கு சேகரித்தார். மயிலம் தொகுதி பா.ம.க. வேட்பாளராக பிரகாஷ் போட்டியிடுகிறார். இவர், வல்லம் ஒன்றிய கிராமங்களில் கொளுத்தும் வெயிலில் வாக்கு சேகரித்தார்.


             நாட்டார் மங்கலம், மேல்சித்தாமூர், வல்லம், கொங்காப்பட்டு, தென்புத்தூர், தளவாளப் பட்டு, நாகந்தூர், மரூர் மேல்சேவூர், ஈச்சூர், கல்லேரி, செங்கமேடு, மணியம்பட்டு உள்பட 20-க்கும் மேற்பட்ட கிராமங்களுக்கு சென்று வாக்கு சேகரித்தார். அப்போது மேளதாளத்துடனும், பட்டாசு வெடித்தும் வரவேற்பு அளிக்கப்பட்டது. பெண்கள் ஆரத்தி எடுத்தனர். 
          ஓட்டுவேட்டையில் தி.மு.க. ஒன்றிய செயலர் அண்ணாதுரை, நிர்வாகிகள் இளம்வழுதி, ராஜகோபால், துரை, பா.ம.க. மாவட்ட செயலாளர் மணிமாறன், மாவட்ட ஊராட்சி குழு தலைவர் வசுந்தராதேவி, காங்கிரஸ் நிர்வாகிகள் ஸ்ரீதர், சுப்பிரமணி, நாராயணசாமி, மாவட்ட கவுன்சிலர் மனோகரன், இளைஞர் காங்கிரஸ் துணை தலைவர் கலைச்செல்வன் உள்பட பலர் கலந்து கொண்டனர்.

மயிலம் சட்டமன்றத் தொகுதி - கண்ணோட்டம்


மயிலம்- தொகுதி கண்ணோட்டம்
விழுப்புரம்:

        மயிலம் புதிதாக உருவாக்கப்பட்ட விழுப்புரம் மாவட்டத்தின் ஓர் சட்டமன்றத் தொகுதியாகும். இதன் தொகுதி எண் 71 ஆகும்.


தொகுதி எல்லைக‌ள்: 

செஞ்சி தாலுக்கா (பகுதி) 

             உடையந்தாங்கல், கள்ளிப்புலியூர், இரும்புலி, கண்டமநல்லூர், சோழங்குணம், பெரும்பூண்டி, தாமனூர், பூதேரி, தொண்டூர், சின்னகரம், பென்னகர், சண்டசாட்சி, மகாதேவிமங்கலம், இல்லோடு, கருங்குழி, ஈஞ்சூர், முக்குணம், மேல் ஒலக்கூர், விருணாமூர், நீர்பெருத்தகரம், ஏதாநெமிலி, மேல் அத்திப்பாக்கம், எடமலை, போந்தை, அகலூர், நெகனூர், காரியமங்கலம், செல்லபிராட்டி, மேல்களவாய், பெரும்புகை, ஆனந்தூர், விற்பட்டு, சேதுராய நல்லூர், வடபுத்தூர், ஆனங்கூர், அவியூர், நங்கியானந்தல், அருகாவூர், பள்ளிக்குளம், மேல்கூத்தப்பாக்கம், இந்திரசன்குப்பம், மேல்சித்தாமூர், மேலாத்தூர், பனப்பாக்கம், நாட்டார்மங்கலம், கொறவனந்தல், கலையூர், கடம்பூர், சேர்விளாகம், வடவானூர், நங்கிலிகொண்டான், ராஜம்புலியூர், குறிஞ்சிப்பை, துடுப்பாக்கம், மொடையூர், வல்லம், மருதேரி, கொங்கரப்பட்டு, மேல்சேவூர், கிளையூர், மணியம்பட்டு, கம்மந்தூர், தையூர், சொரத்தூர், கீழ்பாப்பம்பாடி, வடதரம், கீழ்மாம்பட்டு, திருவாம்பட்டு, கப்பை, கல்லாலிப்பட்டு, தளவானூர், வில்வமாதேவி, எர்ரம்பட்டு, அணீலாடி, வெளவால்குன்றம், மேல் கூடலூர், கீழ்வைலாமூர், கல்லடிக்குப்பம், மரூர், நாகந்தூர், தளவாழ்ப்பட்டு, தென்புத்தூர், பேரம்பட்டு மற்றும் ஆமூர் கிராமங்கள். 

திண்டிவனம் தாலுக்கா (பகுதி) 

               மாம்பாக்கம், செம்பாக்கம், கோணலூர், மேல்சிவிரி, அத்திப்பாக்கம், நெடுந்தோண்டி, வெள்ளிமேடுபேட்டை, புத்தனந்தல், தாதாபுரம், சிக்கானிக்குப்பம், கீழ்மலயனூர், மேல் ஆதனூர், அம்மணம்பாக்கம், வைரபுரம், தேங்காப்பாக்கம், புறங்கரை, கீழ்காரணை, ஏவலூர், சாத்தனூர், சித்தேரிப்பட்டு, மேல்பாக்கம், நெய்குப்பி, புலையூர், கொடியம், கீழ்மாவிலங்கை, மேல்மாவிலங்கை, நாகவரம், வடசிறுவளூர், தணியல், புலியனூர், கல்பாக்கம், கிராண்டிபுரம், வடம்பூண்டி, பெரப்பேரி, கருவம்பாக்கம், ஊரல், பட்டணம், டி.பஞ்சாலம், மேல் பலாகுப்பம், வெண்மணியாத்தூர், காட்டுசிவிரி, பாம்பூண்டி, நடுவனந்தல், மண்னம்பூண்டி, இளமங்கலம், விழுக்கம், தீவனூர், அகூர், மேல் பேரடிக்குப்பம், சாலை, கொள்ளார், வேம்பூண்டி, நெட்டியூர், பேரமண்டூர், அசூர், வெங்காந்தூர், ரெட்டணை, அவையாக்குப்பம், முப்புலி, கொடிமா, படமங்கலம், டி.கேணிப்பட்டு, நல்லாமூர், கொல்லியங்குணம், சின்னநெற்குணம், கூட்டேரிப்பட்டு, சின்னவளவனூர், சோழியசொக்குளம், ஆலக்கிராமம், நெடுமொழியனூர், செஞ்சிகொத்தமங்கலம், வி.நல்லாளம், வி.பாஞ்சாலம் , செண்டியம்பாக்கம், செண்டூர், வேளங்கம்பாடி, மைலம், தென்கொளப்பாக்கம், தளுதாளி, கண்ணியம், தென்னாலப்பாக்கம், குரளுர், பாதிராபுலியூர், பாலப்பட்டு, பேரணி,பெரியதச்சூர், சித்தணி, ஏழாய், அத்திக்குப்பம், அங்காணிக்குப்பம், வடூர், கோணமங்கலம், கணபதிப்பட்டு மற்றும் எஸ்.கடூர் கிராமங்கள் 

 Halloween Comments - http://www.halloweentext.comகடலூர் மாவட்ட செய்திகள்




மயிலம் சட்டமன்றத் தொகுதி பா.ம.க.வேட்பாளர் பிரகாஷ் தீவிர வாக்குசேகரிப்பு



செஞ்சி:

           மயிலம் தொகுதி பா.ம.க.வேட்பாளர் பிரகாஷ் வல்லம் ஒன்றியத்தில் தீவிர வாக்குசேகரிப்பில் ஈடுபட்டார். அப்போது வேட்பாளர் பிரகாசுக்கு ஆதரவாக கண்ணன் எம்.எல்.ஏ. போந்தை, வீரணாமூர், வேம்பாக்கம், கடுகப்பட்டு, நிர்பெருத்தகரம், ஏதாநெமிலி, மேல் அத்திப்பாக்கம் எடமலை உள்ளிட்ட கிராமங்களில் வாக்கு சேகரித்தார்.

              முன்னதாக வேட்பாளர் பிரகாஷ் கடம்பூர், களையூர், வடபுத்தூர், கொரவனந்தல், நெகனூர், அரியூர், விற்பட்டு, அருகாவூர், பணப்பாக்கம் உள்ளிட்ட கிராமங்களில் வாக்கு சேகரித்தார். அவருடன் தி.மு.க. ஒன்றிய செயலாளர் அண்ணாதுரை, பொருளாளர் இளம்வழுதி, துரை திருநாவுக்கரசு, கவுன்சிலர்கள் துரை, பெருமாள், பா.ம.க.மாவட்ட செயலாளர் மணிமாறன், துணை செயலாளர் சேட்டு என்ற ரங்கநாதன், ஒன்றிய செயலாளர் வேல்முருகன், முன்னாள் ஒன்றிய செயலாளர் பெருமாள் உள்பட பலர் கலந்து கொண்டனர். 



மயிலம் சட்டமன்றத் தொகுதி பாமக வேட்பாளர் பிரகாஷ் கூட்டணி கட்சியினர் சார்பில் வரவேற்பு

திண்டிவனம்:

              மயிலம் சட்டமன்றத்  தொகுதி பாமக வேட்பாளர் பிரகாஷுக்கு கூட்டேரிப்பட்டு கூட்டுரோடு சந்திப்பில் புதன்கிழமை மாலை கூட்டணி கட்சியினர் சார்பில் வரவேற்பு அளிக்கப்பட்டது. 

                 தொகுதி மறு சீரப்பில் திண்டிவனம் தொகுதியில் இருந்து பிரிக்கப்பட்டு மயிலம் பொதுத் தொகுதியாக உருவாகி உள்ளது. இந்நிலையில் அதிமுக வேட்பாளராக நாகராஜ் அறிவிக்கப்பட்டுள்ள நிலையில், திமுக கூட்டணியில் பாமகவுக்கு மயிலம் தொகுதி ஒதுக்கப்பட்டது.

            செஞ்சி வட்டம் கீழ்மாம்பட்டை சேர்ந்த இ.ரா.பிரகாஷ் என்பவர் மயிலம் தொகுதி வேட்பாளராக அறிவிக்கப்பட்டுள்ளார். இந்நிலையில் கூட்டணிக் கட்சியினரை சந்தித்து ஆதரவு கேட்க வந்த மயிலம் பாமக வேட்பாளர் பிரகாஷுக்கு திமுக காங்கிரஸ் மற்றும் விடுதலைச் சிறுத்தைகள் மற்றும் பாமக சார்பில் வரவேற்பு அளிக்கப்பட்டது. 

                 வரவேற்பின் போது பாமக சார்பில் மாவட்ட ஊராட்சி குழுத் தலைவர் வசந்திராதேவி, ஒன்றியக் கவுன்சிலர் நெடிசுப்பிரணி, மாநில செயற்குழு உறுப்பினர் அரிகிருஷ்ணன், திமுக சார்பில் மாவட்ட பிரதிநிதி ஜோதி, முன்னாள் ஒன்றியச் செயலர் பெருமாள், காங்கிரஸ் ள்கட்சி சார்பில் மயிலம் வட்டாரத் தலைவர் லட்சுமணன், டிஎஸ்சி குழு உறுப்பினர் இல.கண்ணன், விடுதலைச் சிறுத்தைகள் கட்சி சார்பில் மாவட்ட துணைச் செயலர் பாரதிதாசன், மயிலம் ஒன்றியச் செயலர் பிரபாகரன் உள்ளிட்டோர் உடனிருந்தனர்.  அதனை தொடர்ந்து மயிலம் சுப்பிரமணியசுவாமி கோயிலுக்கு சென்று தரிசனம் செய்தார் வேட்பாளர் பிரகாஷ்.