திட்டக்குடி :
திட்டக்குடியில் மங்களூர் ஒன்றிய பா.ம.க., சார்பில் உள்ளாட்சித் தேர்தல் பணிக்குழுக் கூட்டம் நடந்தது. மாநில தேர்தல் பணிக்குழுச் செயலர் தனபால் தலைமை தாங்கினார். மாவட்டத் தலைவர் ஆடியபாதம், நகர செயலர் சரவணன், ஒன்றிய செயலர் பழனிவேல் முன்னிலை வகித்தனர். நகர தலைவர் சிங்காரம் வரவேற்றார். கூட்டத்தில் வெற்றி வாய்ப்பை பெறுவதற்கான வழிமுறைகள், கட்சி அறிவிக்கும் வேட்பாளரின் வெற்றிக்கு பாடுபடுதல் உள்ளிட்டவை குறித்து ஆலோசனை செய்யப்பட்டது.
