மங்களூர் ஒன்றிய பா.ம.க.தேர்தல் பணிக்குழுக் கூட்டம்

திட்டக்குடி :

        திட்டக்குடியில் மங்களூர் ஒன்றிய பா.ம.க., சார்பில் உள்ளாட்சித் தேர்தல் பணிக்குழுக் கூட்டம் நடந்தது. மாநில தேர்தல் பணிக்குழுச் செயலர் தனபால் தலைமை தாங்கினார். மாவட்டத் தலைவர் ஆடியபாதம், நகர செயலர் சரவணன், ஒன்றிய செயலர் பழனிவேல் முன்னிலை வகித்தனர். நகர தலைவர் சிங்காரம் வரவேற்றார். கூட்டத்தில் வெற்றி வாய்ப்பை பெறுவதற்கான வழிமுறைகள், கட்சி அறிவிக்கும் வேட்பாளரின் வெற்றிக்கு பாடுபடுதல் உள்ளிட்டவை குறித்து ஆலோசனை செய்யப்பட்டது.

கடலூர் மாவட்ட செய்திகள்

பெண்ணாடத்தில் நல்லூர் ஒன்றிய பா.ம.க., பொதுக்குழு கூட்டம்

திட்டக்குடி : 

             இறையூர் அம்பிகா சர்க்கரை ஆலை விவசாயிகளுக்கு தரவேண்டிய நிலுவைத் தொகையை உடனடியாக தர நடவடிக்கை வேண்டும் என பா.ம.க., வலியுறுத்தியுள்ளது. 

               பெண்ணாடத்தில் நல்லூர் ஒன்றிய பா.ம.க., பொதுக்குழு கூட்டம் நடந்தது. ஒன்றிய தலைவர் பத்மநாபன் தலைமை தாங்கினார். மாநில துணை பொதுச்செயலர் திருமால்வளவன், தேர்தல் பணிக்குழு தலைவர் தனபால், வன்னியர் சங்க துணைத் தலைவர் மோகன், திருஞானம் முன்னிலை வகித்தனர். ஒன்றிய செயலர் தங்கவேல் வரவேற்றார். 

        கூட்டத்தில் அம்பிகா சர்க்கரை ஆலை 2011ம் ஆண்டில் விவசாயிகளுக்கு வழங்க வேண்டிய பாக்கித் தொகையை கால தாமதம் செய்யாமல் உடனே வழங்க கேட்டுக் கொள்வது, 

              நடப்பாண்டில் கரும்பு டன் ஒன்றுக்கு 3ஆயிரம் ரூபாய் வழங்க கேட்பது. 

           ராஜிவ் கொலை வழக்கில் இருபது ஆண்டுகளுக்கு மேல் சிறை தண்டனை அனுபவித்த பேரறிவாளன், சாந்தன், முருகனின் தூக்குத் தண்டனையை ரத்து செய்யக் கோருவது உட்பட பல்வேறு தீர்மானங்கள் நிறைவேற்றப் பட்டன.

கடலூர் மாவட்ட செய்திகள்

சமச்சீர் கல்வி அமல்படுத்த உச்சநீதி மன்றம் தீர்ப்பு: திட்டக்குடியில் பா.ம.க.வினர் பட்டாசு வெடித்துக் கொண்டாட்டம்

 

திட்டக்குடி: 

         சமச்சீர் கல்வி அமல்படுத்த உச்சநீதி மன்றம் தீர்ப்பு வழங்கியதை அடுத்து திட்டக்குடியில் பா.ம.க.வினர் பட்டாசு வெடித்துக் கொண்டாடினர். திட்டக்குடி அரசு ஆண்கள் மேல்நிலைப்பள்ளி முன்பு பா.ம.க., மாநில தேர்தல் பணிக்குழு தலைவர் தனபால் தலைமையில் மாணவரணி கண்ணன் தலைமையில் ஒன்றிய தலைவர் வீரபொன்முடி, நகர செயலர் சரவணன், ஒன்றிய செயலர் பழனிவேல் மற்றும் மாவட்ட நிர்வாகிகள் குழந்தைவேல், வேல்முருகன், பஞ்சு ஆறுமுகம் உட்பட பலர் பள்ளி மாணவர்களுக்கு பேனா வழங்கி பட்டாசு வெடித்துக் கொண்டாடினர்.

கடலூர் மாவட்ட செய்திகள்

திட்டக்குடியில் உழவர் சந்தைபா.ம.க., பொதுக்குழு வலியுறுத்தல்

திட்டக்குடி:

         திட்டக்குடியில் உழவர் சந்தை அமைக்க வேண்டும் என பா.ம.க., கோரிக்கை விடுத்துள்ளது.

         திட்டக்குடி நகர பா.ம.க., பொதுக்குழு கூட்டம் நகர தலைவர் சிங்காரம் தலைமையில் நடந்தது. வன்னியர் சங்க தலைவர் சின்னசாமி, செயலாளர் வாலமுத்து, நகர துணைத்தலைவர் ஆறுமுகம், துணை செயலாளர் பாண்டியன், ராஜசேகர் முன்னிலை வகித்தனர். நகர செயலாளர் சரவணன் வரவேற்றார். மாநில தேர்தல் பணிக்குழு செயலாளர் தனபால், செயற்குழு உறுப்பினர் திராவிடமணி, மாவட்ட துணை செயலாளர் வக்கீல் கொளஞ்சிநாதன், ஒன்றிய செயலாளர் பழனிவேல் பேசினர்.

           கூட்டத்தில் தாலுகா அலுவலகம் புதிய கட்டடத்திற்கு மாற்றப்பட உள் ளதால் பழைய கட்டடத்தை கோர்ட்டிற்கு வழங்க வேண்டும். மழையால் பாதிக்கப்பட்ட விவசாயிகளுக்கு நஷ்ட ஈடு வழங்க வேண்டும். மிகவும் பிற்பட்டோர் விடுதியை சுற்றிலும் கழிவுநீரை அகற்ற வேண்டும். திட்டக்குடியில் உழவர் சந்தை அமைக்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன.

கடலூர் மாவட்ட செய்திகள்