நாகர்கோவில் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
நாகர்கோவில் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

நாகர்கோவிலில் பா.ம.க. சார்பில் பேரறிவாளன், சாந்தன், முருகன் தூக்கு தண்டனையைக் குறைக்கக் கோரி ஆர்ப்பாட்டம்

நாகர்கோவில்:

            நாகர்கோவிலில் மாவட்ட ஆட்சியர் அலுவலகம் முன் பாமக சார்பில் பேரறிவாளன், சாந்தன், முருகன் ஆகியோரின் தூக்கு தண்டனையை ரத்து செய்யக்கோரி திங்கள்கிழமை ஆர்ப்பாட்டம் நடத்தப்பட்டது. ஆர்ப்பாட்டத்துக்கு மாநில துணைப் பொதுச்செயலர் ஹரிஹரன் தலைமை வகித்தார். மாவட்டத் தலைவர்கள் ரவி, ரமேஷ், நாகர்கோவில் நகரச் செயலர் ராமதாஸ், மாவட்ட இளைஞரணிச் செயலர் ஜெபசிங்ராஜ் ஆகியோர் முன்னிலை வகித்தனர். ராஜேஷ், சிவக்குமார், சாம், சுரேஷ், அர்ஜுனன், அர்ஷாத் உள்ளிட்டோர் பங்கேற்றனர்.

நாகர்கோவிலில் பசுமைத் தாயகம் சார்பில் சாலை விபத்து தடுப்பு விழிப்புணர்வு மனித சங்கிலி

நாகர்கோவில்:

           நாகர்கோவிலில் பசுமை தாயகம் அமைப்பு சார்பில் திங்கள்கிழமை மனிதச் சங்கிலி நடத்தப்பட்டது.

          மாநில அளவில் முழுமையான சாலை பாதுகாப்புத் திட்டத்தை செயல்படுத்த அரசு முன்வர வேண்டும் என வலியுறுத்தி நாகர்கோவிலில் அகஸ்தீஸ்வரம் வட்டாட்சியர் அலுவலகம் முன் நடைபெற்ற இந்த மனிதச் சங்கிலிக்கு பசுமைத் தாயகம் மாவட்ட அமைப்பாளர் விஜு தலைமை வகித்தார்.

              கன்னியாகுமரி மேற்கு மாவட்ட பாமக செயலர் ரவி முன்னிலை வகித்தார். கிழக்கு மாவட்டச் செயலர் அலெக்ஸ், மாவட்டத் தலைவர் ரமேஷ், மாநில தொழிற்சங்கச் செயலர் நந்தகோபால், நாகர்கோவில் நகரச் செயலர் ராமதாஸ், குழித்துறை நகரச் செயலர் மற்றும்  மாநில மாணவரணி துணைச் செயலர் சித்தார்த் சங்கர், மாநில துணை பொதுச்செயலர் இரா. அரிகரன், மாநில இளைஞரணி துணைச் செயலர் பைஜு உள்ளிட்டோர் பங்கேற்றனர்.