பேரறிவாளன், முருகன், சாந்தன் தூக்கு தண்டனையை ரத்து செய்யும் சட்டப்பேரவையின் அமைச்சர் சல்மான் குர்ஷித் கருத்திற்கு ராமதாஸ் கண்டனம்

            தமிழக சட்டப்பேரவையில் நிறைவேற்றப்பட்ட தீர்மானம் யாரையும் கட்டுப்படுத்தாது என்று மத்திய சட்ட அமைச்சர் சல்மான் குர்ஷித் கூறியிருப்பது, தமிழர்களின் உணர்வுகளையும், உரிமைகளையும் இழிவுபடுத்தும் செயலாகும் என பாமக நிறுவனர் டாக்டர் ராமதாஸ் கண்டனம் தெரிவித்துள்ளார்

 இது குறித்து புதன்கிழமை பாமக நிறுவனர் டாக்டர் ராமதாஸ் வெளியிட்ட அறிக்கை

                 பேரறிவாளன், முருகன், சாந்தன் ஆகியோருக்கு விதிக்கப்பட்டுள்ள தூக்குத் தண்டனையை ரத்து செய்ய தமிழக அரசு நடவடிக்கை எடுக்க வேண்டும் என்று ஒட்டுமொத்த தமிழகமும் ஒரே குரலில் வலியுறுத்தியது. தமிழர்களின் இந்த உணர்வுகளை மதித்து மூவருக்கும் விதிக்கப்பட்ட தூக்குத் தண்டனையை ஆயுள் தண்டனையாகக் குறைக்க குடியரசுத் தலைவர் நடவடிக்கை எடுக்க வேண்டும் என்று வலியுறுத்தி சட்டப்பேரவையில் செவ்வாய்க்கிழமை (ஆக. 30) ஒருமனதாக தீர்மானம் நிறைவேற்றப்பட்டது.

                 இந்தத் தீர்மானத்தை மனித உரிமை ஆர்வலர்களும், மனிதநேயம் மிக்கவர்களும் பாராட்டி வரவேற்றுள்ளனர். ஆனால், இந்தத் தீர்மானம் யாரையும் கட்டுப்படுத்தாது என மத்திய சட்ட அமைச்சர் சல்மான் குர்ஷித் கூறியுள்ளார். இது தமிழக மக்களின் உணர்வுகளையும், உரிமைகளையும் இழிவுபடுத்தும் செயலாகும்.தமிழக சட்டப்பேரவையில் நிறைவேற்றப்பட்ட எத்தனையோ தீர்மானங்களும், சட்ட முன்வடிவுகளும் மக்களின் உரிமைகளைக் காப்பதில் ஒட்டுமொத்த இந்தியாவுக்கும் முன்னுதாரணமாக இருக்கும் நிலையில், இத்தீர்மானம் யாரையும் கட்டுப்படுத்தாது என மத்திய அமைச்சர் கூறியிருப்பது சட்டப் பேரவையை அவமதிக்கும் செயலாகும். 

                 அவரின் இந்தக் கருத்து கடுமையாக கண்டிக்கத்தக்கது.தமிழக மக்களின் உணர்வுகளைக் கொச்சைப்படுத்தும் முயற்சிகளை கைவிட்டு, சட்டப்பேரவை தீர்மானத்தை மதித்து மூவரின் தூக்குத் தண்டனையை ரத்து செய்ய மத்திய அரசும் பரிந்துரை செய்ய வேண்டும். இதற்கான அழுத்தத்தை மத்திய அரசுக்கு தமிழக முதல்வர் அளிக்க வேண்டும். மூவரின் தண்டனையை குறைப்பதற்கான தீர்மானத்தை அமைச்சரவையில் நிறைவேற்றி புதிய ஆளுநரிடம் முதல்வர் நேரில் வழங்க வேண்டும். அதன் அடிப்படையில் புதிய ஆளுநர் ரோசய்யா பிறப்பிக்கும் முதல் உத்தரவே, மூவரின் தூக்குத் தண்டனையை ரத்து செய்வதாகத்தான் இருக்க வேண்டும் என்று ராமதாஸ் கேட்டுக் கொண்டுள்ளார்.

கடலூர் மாவட்ட செய்திகள்

செங்கொடியின் இறுதிச் சடங்கு நிகழ்ச்சியில் ஜி.கே.மணி பங்கேற்ப்பு

செங்கொடியின் இறுதிச் சடங்கில் பங்கேற்ற தலைவர்கள்.

காஞ்சிபுரம்:

 

           செங்கொடியின் இறுதிச் சடங்கு நிகழ்ச்சி கீழ்கதிர்பூரில் புதன்கிழமை நடைபெற்றது. இந் நிகழ்ச்சியில் பல்வேறு அரசியல் கட்சி தலைவர்கள், ஆயிரக்கணக்கில் தமிழ் உணர்வாளர்கள், தொண்டர்கள் பங்கேற்றனர். 

 

             காஞ்சிபுரம் அருகே கீழ்கதிர்பூரில் செயல்படும் மக்கள் மன்றத்தைச் சேர்ந்தவர் செங்கொடி. இவர் தூக்கு கயிற்றை எதிர்நோக்கி இருக்கும் பேரறிவாளன், சாந்தன், முருகன் ஆகியோரை காப்பாற்ற வலியுறுத்தி கோஷம் எழுப்பியவாறு காஞ்சிபுரம் வட்டாட்சியர் அலுவலகம் முன் தற்கொலை செய்து கொண்டார். இவரது சடலம் மறு நாள் காலை மருத்துவமனையில் இருந்து ஊர்வலமாக எடுத்துச் செல்லப்பட்டது. சுமார் 7 மணி நேரம் நடைபெற்ற இந்த ஊர்வலத்தில் தமிழகத்தின் பல்வேறு பகுதிகளில் இருந்தும் தமிழ் உணர்வாளர்கள் திரண்டனர்.

 

ஊர்வலத்துக்கு அனுமதி மறுப்பு...

 

                 இந் நிலையில் அவரின் இறுதிச் சடங்குகளில் பங்கேற்க வந்தவர்கள் செங்கொடி தற்கொலை செய்து கொண்ட காஞ்சிபுரம் வட்டாட்சியர் அலுவலகம் முன்பு கூடினர். அவர்கள் செங்கொடியின் சிலையுடன் இறுதி சடங்கு நடைபெறும் இடத்துக்கு ஊர்வலமாகச் சென்றனர் .அவர்களை அனுமதிக்க மறுத்து போலீஸார் தடுத்தனர். இதனைத் தொடர்ந்து கலைந்து சென்று தனித் தனியாக இறுதிச் சடங்கு நடைபெறும் இடத்துக்குச் சென்றனர்.

 

தலைவர்கள் பங்கேற்பு... 

 

                இறுதிச் சடங்கு நிகழ்ச்சியில் தமிழகம் முழுவதும் இருந்து ஆயிரக்கணக்கில் தமிழ் உணர்வாளர்கள் திரண்டனர். பாமக மாநில தலைவர் ஜி.கே.மணி, உலகத் தமிழர் பேரமைப்பு தலைவர் பழ.நெடுமாறன், மதிமுக பொதுச் செயலர் வைகோ, விடுதலைச் சிறுத்தைகள் தலைவர் தொல்.திருமாவளவன்,  பெரியார் திராவிட கழகத் தலைவர் கொளத்தூர் மணி, நாம் தமிழர் இயக்கத் தலைவர் சீமான், அகில இந்திய ஜனநாயக மக்கள் கட்சி ஐசக் உள்ளிட்ட பலர் பங்கேற்றனர்.ருத்ரகுமாரனின்

 

இரங்கல் செய்தி...: 

 

                  இக் கூட்டத்தில் நாடு கடந்த தமிழீழ அரசின் பிரதமர் விஸ்வநாதன் ருத்ரகுமாரனின் இரங்கல் செய்தியை நாடு கடந்த தமிழீழ அரசின் தோழமை மையப் பொறுப்பாளர் பேராசிரியர் சரஸ்வதி வாசித்தார்.இதனைத் தொடர்ந்து தமிழ் உணர்வாளர்கள் முழக்கமிட அனைவரும் மெழுகுவர்த்தி ஏந்தியவாறு கீழ்கதிர்பூரில் உள்ள மக்கள் மன்ற அலுவலகத்தின் அருகிலேயே செங்கொடியின் உடல் அடக்கம் செய்யப்பட்டது.

 

 

 

 

 

கடலூர் மாவட்ட செய்திகள்

விருத்தாசலத்தில் பேரறிவாளன், சாந்தன், முருகன் தூக்கு தண்டைனையை ரத்து செய்யக்கோரி பா.ம.க வழக்கறிஞர்கள் நீதிமன்ற புறக்கணிப்பு

           பேரறிவாளன், சாந்தன், முருகன் ஆகியோருக்கு விதிக்கப்பட்ட தூக்கு தண்டனையை ரத்து செய்யக்கோரி விருத்தாசலத்தில் பா.ம.க வழக்கறிஞர்கள் நீதிமன்ற புறக்கணியில் ஈடுபட்டனர். மேலும் இதே கோரிக்கையை வலியுறுத்தி ஊர்வலமாக சென்று கோட்டாட்சியர் அலுவலகம் முன் ஆர்ப்பாட்டத்தில் ஈடுபட்ட அவர்கள், தூக்கு தண்டனையை ரத்து செய்ய தமிழக அரசு நடவடிக்கை எடுக்க வேண்டும் என்று மனு அளித்தனர். இதேபோல் புகைப்பட கலைஞர்களும் விருத்தாசலத்தில் போராட்டம் நடத்தினர்.

கடலூர் மாவட்ட செய்திகள்

PMK founder S. Ramadoss rejected chief minister J. Jayalalithaa’s explanation in the Rajiv Gandhi assassination case

       PMK founder S. Ramadoss  rejected chief minister J. Jayalalithaa’s explanation that she did not have the powers to commute the death sentence of the three convicts in the Rajiv Gandhi assassination case after the trio’s mercy plea was rejected by the President.

        PMK founder S. Ramadoss said Criticising Ms Jayalalithaa’s stand, “If she had the will, the lives of three persons can be saved.” While the whole state was waiting for the CM to save the three persons, Ms Jayalalithaa has shrugged off responsibility. Refusing to buy the home ministry’s directive of 1991, which Ms Jayalalithaa quoted in the Assembly, Dr Ramadoss said the Constitution was “superior in authority” to a home ministry directive. He also explained that Article 161 did not take away the power from the Governor of a state to consider and decide an appeal even after the President’s decision.

கடலூர் மாவட்ட செய்திகள்

PMK founder S Ramadoss urged the people not to commit suicide for a trio in connection with the Rajiv Gandhi assassination case

CHENNAI: 

        After a woman, Senkodi, self immolated on Sunday to protest against the death sentence for a trio in connection with the Rajiv Gandhi assassination case, PMK founder S Ramadoss in the State appealed to the public not to follow her path.

     PMK founder S Ramadoss  urged the people not to commit suicide. “This practice shouldn’t be continued,” he said.

கடலூர் மாவட்ட செய்திகள்