முகையூர் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
முகையூர் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திருக்கோவிலூர் அரசு மருத்துவமனையில் மருத்துவர் பணியிடங்களை நிரப்ப வேண்டும்: பா.ம.க. மாவட்ட தலைவர் செழியன் கோரிக்கை


திருக்கோவிலூர்:

பா.ம.க. மாவட்ட தலைவர் செழியன் முதல்-அமைச்சர் ஜெயலலிதாவுக்கு அனுப்பியுள்ள கோரிக்கை மனுவில் கூறியிருப்பது:-
 

            திருக்கோவிலூரில் உள்ள அரசு மருத்துவமனையில்  திருக்கோவிலூர், முகையூர், ரிஷிவந்தியம் மற்றும் திருவெண்ணை நல்லூர் ஆகிய 4 ஒன்றியங்களை உள்ளடக்கி உள்ளது. மேற்கண்ட பகுதியில் உள்ள சுமார் 200 கிராம மக்கள் இந்த அரசு மருத்துவமனையைத்தான் நம்பி உள்ளனர்.  நாள் ஒன்றுக்கு சராசரியாக ஆயிரத்து 500 பேர் புறநோயாளிகளாக வருகின்றனர்.

        இவர்களுக்கு சிகிச்சை அளிக்க போதிய டாக்டர்கள் இல்லை. 23 டாக்டர்கள் பணி புரியவேண்டிய இடத்தில் தற்போது 6 பேர் மட்டுமே உள்ளனர். குறிப்பாக பொதுமருத்துவம் பார்க்கும் எம்.டி. டாக்டர், குழந்தை டாக்டர், தோல்டாக்டர், எலும்புடாக்டர், பல்டாக்டர், லேப்டெக்னீஷியன் கூடுதலாக தேவைப்படுகின்றனர். போதிய மருந்து, மாத்திரைகளும் இல்லாதநிலை உள்ளது. துப்புரவு பணியாளர்கள் இல்லை, கட்டு, கட்டும் ஊழியர்கள் இல்லை.  இதனால் இங்கு வரும் பொதுமக்கள் பெரும் அவதிக்குள்ளாகின்றனர். எனவே இந்த குறையை போக்க உடன் போர்க்கால அடிப்படையில் நடவடிக்கை எடுக்க வேண்டும்.

இவ்வாறு அவர் கூறியுள்ளார். 

முகையூர் ஒன்றிய பா.ம.க.பொதுக்குழுக் கூட்டம்

திருக்கோவிலூர்:

            முகையூர் ஒன்றிய பா.ம.க., பொதுக்குழுக் கூட்டம் நடந்தது. அரகண்டநல்லூரில் நடந்த கூட்டத்திற்கு ஒன்றிய தலைவர்கள் ஆனந்தன், சேனாதிபதி தலைமை தாங்கினார். 

               ஒன்றிய செயலாளர்கள் சுப்ரமணி, வெங்கடேசன் வரவேற்றார். சேகர், ஞானவேல், ஆராமுது, பஞ்சமூர்த்தி, திருநாவுக்கரசு, முருகன், சங்கர் முன்னிலை வகித்தனர். மாநில துணை பொதுச்செயலாளர் கலிவரதன், மாவட்ட செயலாளர் சுப்ரமணியன், சேர்மன் செந்தில்குமார், மாவட்ட தலைவர் செழியன், பாலசக்தி, பொருளாளர் மஞ்சுளா சிறப்புரை நிகழ்த்தினர். ஒன்றிய கவுன்சிலர் ரமணி சிவக்குமார் நன்றி கூறினார்.

முன்னாள் பா.ம.க. எம்.எல்.ஏ, கலிவரதன் வெளியிட்டுள்ள அறிக்கை

          கட்சிக்கு துரோகம் செய்தவர்கள் அரசியலில் காணாமல் போய்விடுவார்கள் என்று பா.ம.க. முன்னாள் எம்.எல்.ஏ. கலிவரதன் கூறினார்.

முகையூர் தொகுதியின் முன்னாள் சட்டமன்ற உறுப்பினரும், பா.ம.க. மாவட்ட செயலாளருமான வி.ஏ.டி.கலிவரதன்  கூறியது:

             தமிழகத்தில் பாட்டாளி மக்கள் கட்சி மக்களின் வாழ்க்கை தரம் உயர்த்த பாடுபட்டு வருகின்றது. அல்லல்படும் அடித்தட்டு மக்களை சமுதாயத்தில் உயர்ந்த நிலைக்கு கொண்டு வரவேண்டும் என்ற எண்ணத்தில் டாக்டர் ராமதாஸ் அல்லும் பகலும் அரும்பாடு பட்டு வருகின்றார். வரும் காலங்களில் தமிழகம் எப்படி இருக்க வேண்டும், எதிர் கால இளைஞர் சமுதாயம் எப்படி இருக்க வேண்டும் என்பது பற்றியே சிந்தித்து அதற்கான திட்டங்களை தயாரித்து அதனை செயல் படுத்த தமிழகம் முழுவதும் சுற்றுப்பயணம் மேற்கொண்டு பட்டி தொட்டியில் கிடக்கும் கடைகோடி தமிழனையும் சந்தித்து பேசியதன் பயனாக இன்று பாட்டாளி மக்கள் கட்சி தமிழகத்தின் மிகப்பெரிய கட்சிகளில் ஒன்றாக வளர்ந்துள்ளது.

          இந்த வளர்ச்சி டாக்டர் ராமதாசின் கொள்கைக்கும், அவர் வழிதோன்றலான டாக்டர் அன்புமணி ராமதாசின் உழைப்பிற்கும் கிடைத்திட்ட பரிசே ஆகும். ஆனால் சிலர் ஏதோ தன்னால்தான் இந்த பா.ம.க. வளர்ந்து விட்டது போல் அறிக்கை வெளியிட்டு வருகின்றனர். அதே போல் இடஒதுக்கீட்டுக்கு டாக்டர் ராமதாஸ் தியாகம் வரலாற்றில் பொன்னேட்டில் பதிக்கும் நிலையில் உள்ளது. இதன் மூலம் கல்வியிலும், வேலை வாய்ப்பிலும் உரிய இட ஒதுக்கீட்டை பெற்ற பாட்டாளி சமுதாயம் டாக்டர் ராமதாசை மதித்து வருகின்றனர். நிலைமை இப்படி இருக்க டாக்டர் ராமதாசால் பதவி சுகம் அனுபவித்து விட்டு தற்போது பதவி இல்லை என்றதும், கட்சி தலைமைக்கு எதிராக செயல்படுவது துரோகம் ஆகும். இதுபோன்ற துரோகிகளை மக்கள் மன்னிக்க மாட்டார்கள்.

            இதுவரை இந்த கட்சியில் இருந்து வெளியேறியவர்கள் எவரும் தமிழக அரசியலில் நிலைக்க முடியவில்லை. இதுதான் வரலாற்று உண்மை என்றார்.