செயற்குழு கூட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
செயற்குழு கூட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

காட்டுமன்னார்கோவில் ஒன்றிய பா.ம.க.செயற்குழுக் கூட்டம்: கடலூர் மாவட்ட செயலர் வேணு.புவனேஸ்வரன் சிறப்புரை

காட்டுமன்னார்கோவில் : 

             உள்ளாட்சித் தேர்தலில் திராவிட கட்சிகளின் உறவு இல்லாமல் தனித்து போட்டியிடுவது என காட்டுமன்னார்கோவிலில் நடந்த பா.ம.க., செயற்குழு கூட்டத்தில் முடிவு செய்யப்பட்டது. 

              காட்டுமன்னார்கோவில் ஒன்றிய, நகர பா.ம.க., செயற்குழுக் கூட்டம் ஒன்றிய தலைவர் செல்வராஜ் தலைமையில் நடந்தது. நகர செயலர் மோகன் வரவேற்றார். ஒன்றிய செயலர் கண்ணன் முன்னிலை வகித்தார். மாவட்ட செயலர் வேணு புவனேஸ்வரன் சிறப்புரையாற்றினார். முன்னாள் மாவட்டச் செயலர் கண்ணன், ஒன்றிய குழு உறுப்பினர் வரதராசன், ஒன்றிய நகர நிர்வாகிகள் பங்கேற்றனர். கூட்டத்தில் உள்ளாட்சித் தேர்தலில் திராவிட கட்சிகளோடு ஒட்டு உறவு இல்லாமல் தனித்து போட்டியிடுவது, கட்சிக்கு புதிய உறுப்பினர்கள் சேர்த்தல் உள்ளிட்ட தீர்மானங்கள் நிறைவேற்றப்பட்டன.

கீழ்கோத்தகிரி ஒன்றிய பா.ம.க செயற்குழு கூட்டம்: சமச்சீர் கல்வி உச்சநீதிமன்ற உத்தரவை வரவேற்று பட்டாசு வெடித்து இனிப்புகள் வழங்கப்பட்டது

கோத்தகிரி:

           சமச்சீர் கல்வி குறித்த உச்சநீதிமன்றம் பிறப்பித்த உத்தரவினை வரவேற்று கீழ்கோத்தகிரி ஒன்றிய பா.ம.க சார்பில் இனிப்புகள் வழங்கப்பட்டன. 

             கீழ்கோத்தகிரி ஒன்றியத்திற்குட்பட்ட கெரடாமட்டம், எஸ்.கைகாட்டி ஆகிய பகுதிகளுக்கான செயற்குழு கூட்டம் நடைபெற்றது. கூட்டத்திற்கு ஒன்றியச் செயலர் ஆ.ஜெகதீசன் தலைமை தாங்கினார். தலைவர் செந்தில்குமார் முன்னிலை வகித்தார். 

கூட்டத்தில் நிறைவேற்றப்பட்ட தீர்மானங்கள்:

                 கோத்தகிரி வருவாய்த்துறையிலுள்ள காலிப் பணியிடங்களை உடனடியாக நிரப்பிட வேண்டும். எஸ்.கைகாட்டி ராஜ் நகர் பகுதியில் குடிநீர் பிரச்னைக்கு மாவட்ட நிர்வாகம் தீர்வு காண வேண்டும். கக்குளா பகுதியிலுள்ள கிராம நிர்வாக அலுவலகத்தை பொதுமக்கள் பயன்பாட்டிற்கு விரைவில் திறக்க நடவடிக்கை எடுக்க வேண்டும். உச்ச நீதிமன்றம் சமச்சீர் கல்வி குறித்து அளித்துள்ள உத்தரவை வரவேற்று பட்டாசு வெடித்து பொதுமக்களுக்கு இனிப்புகள் வழங்கப்பட்டது.  ஒன்றிய துணைச்செயலர் மதுரைவீரன் நன்றி தெரிவித்தார்.

விருத்தாசலத்தில் பா.ம.க.செயற்குழு கூட்டம்

சிறுபாக்கம் : 

          ராமநத்தம் அடுத்த கல்லூரில் மங்களூர் ஒன்றிய பா.ம.க., செயற்குழுக் கூட்டம் நடந்தது. ஒன்றிய தலைவர் ராமதாஸ் தலைமை தாங்கினார். நிர்வாகிகள் பொன் பெரியசாமி, இளங்கோவன் முன்னிலை வகித்தனர். ஒன்றிய செயலர் கோபி வரவேற்றார். கூட்டத்தில் மாநில தேர்தல் பொறுப்பாளர் டாக்டர் கோவிந்தசாமி, துணை பொதுச் செயலர் திருமால்வளவன்,  மாவட்டச் செயலர் செல்வராஜ் பேசினர்.
 
             தேர்தலில் தி.மு.க., தலைமையிலான கூட்டணி வெற்றி பெற பாடுபடுவது. ஆவட்டி - மங்களூர் தார் சாலையை செப்பனிட வலியுறுத்துவது உட்பட பல்வேறு தீர்மானங்கள் நிறைவேற்றப்பட்டன. நிர்வாகிகள் வேலாயுதம், சின்னசாமி, ராதா, மயிலவன், வெங்கடேசன் உட்பட பலர் பங்கேற்றனர்.

விட்டுகொடுப்பவன் கெட்டுபோவதில்லை : பா.ம.க. நிறுவனர் ராமதாஸ்,

               பா.ம.க. மாணவர் அணி நிர்வாகிகள் செயற்குழு கூட்டம் ராமதாஸ் தலைமையில் தியாகராய நகர், பொங்கு தமிழ் அறக் கட்டளை அலுவலகத்தில் நடந்தது.

அப்போது பா.ம.க. நிறுவனர் ராமதாஸ்  கூறியது

            ‘’தி.மு.க. கூட்டணியில் எங்களுக்கு முதலில் 31 தொகுதிகள் ஒதுக்கப்பட்டன. கிடைத்த தொகுதியை விட்டுக் கொடுப்பது இதுவரை நடந்ததில்லை. ஆனால் நாங்கள் கூட்டணியின் பொதுநலன் கருதி ஒரு தொகுதியை விட்டுக் கொடுத்திருக்கிறோம். எங்கள் கூட்டணியில் காங்கிரசும் இடம் பெற வேண்டும் என்ற நல்ல நோக்கத்தில் விட்டுக் கொடுத்தோம். பா.ம.க.வுக்கு எந்தெந்த தொகுதிகள் என்பது இன்று மாலை அல்லது நாளைக்குள் முடிவாகி அறிவிக்கப்படும்.  

                தி.மு.க., காங்கிரஸ், பா.ம.க. மற்றும் எங்கள் கட்சி தொண்டர்கள் ஒற்றுமையாக செயல்படுவார்கள். இதில் எந்த சந்தேகமும் இல்லை. எங்கள் கூட்டணி அமோக வெற்றி பெறும். கூட்டணி தலைவர்களுடன் பிரசாரம் செய்வது குறித்து கலந்து பேசி முடிவு செய்வோம்’’ என்று கூறினார்.