நெய்வேலி சட்டமன்றத் தொகுதி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
நெய்வேலி சட்டமன்றத் தொகுதி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

நெய்வேலி சட்டமன்றத் தொகுதியில் பாமக வேட்பாளர் தி.வேல்முருகன் பெற்ற வாக்கு விபரம்

2011  சட்டமன்றத் தேர்தலில் நெய்வேலி சட்டமன்றத் தொகுதியில் பாமக வேட்பாளர் தி.வேல்முருகன் பெற்ற வாக்கு விபரம்


Tamil Nadu - Neyveli
Result Declared
Candidate PartyVotes
M.P.S.SIVASUBRAMANIYANAll India Anna Dravida Munnetra Kazhagam69549
T.VELMURUGANPattali Makkal Katchi61431
M.KARPAGAMBharatiya Janata Party1406
S.PANDIANIndependent1273
P.LILYLok Satta Party1232
P.KUMARIndiya Jananayaka Katchi971
S.ELANGOVANLok Jan Shakti Party576
P.CHANDRASOCIALIST UNITY CENTRE OF INDIA (COMMUNIST)478
V.K.KUMARAGURUIndependent441


நெய்வேலி சட்டமன்றத் தொகுதியில் மாம்பழம் சின்னத்திற்கு வாக்களியுங்கள்- தி.வேல்முருகன்

மாம்பழம் சின்னத்திற்கு வாக்களியுங்கள் - 

தி.வேல்முருகன் அவர்களின் 

வேண்டுகோள் 


 http://profile.ak.fbcdn.net/hprofile-ak-snc4/187834_142248415845892_284602_n.jpg



           அனைவருக்கும் வணக்கம், நான் இப்போது நெய்வேலி நெய்வேலி சட்டமன்றத் தொகுதியில்  போட்டியிடுகிறேன். நெய்வேலி தொகுதி வாக்காள நண்பர்கள் மாம்பழம் சின்னத்தில் வாக்களித்து பெருவாரியான வாக்குகள் வித்தியாசத்தில் வெற்றி பெற வைக்குமாறு அன்புடன் கேட்டுகொள்கிறேன்.

         நெய்வேலி தொகுதி அல்லாத நண்பர்கள் நெய்வேலிதொகுதி நண்பர்களுக்கு என்னை அறிமுகம் செய்து எனக்கு வாக்களிக்க செய்யுமாறு அன்புடன் கேட்டுகொள்கிறேன்.

அன்புடன்


தி.வேல்முருகன்

நெய்வேலி தொகுதி வேட்பாளர்
 
 

நெய்வேலியில் மீண்டும் அரசு பஸ் பணிமனை: பாமக வேட்பாளர் தி.வேல்முருகன்

நெய்வேலி:

             நெய்வேலி நகரில் செயல்பட்டு வந்த அரசுப் போக்குவரத்துக் கழகப் பணிமனையை மீண்டும் நெய்வேலியிலேயே அமைக்க நடவடிக்கை மேற்கொள்ளவதாக நெய்வேலி தொகுதி பாமக வேட்பாளர் தி.வேல்முருகன் வாக்குறுதி அளித்தார். 

             திமுக கூட்டணி சார்பில் நெய்வேலி தொகுதியில் களமிறங்கியுள்ள பாமக வேட்பாளர் தி.வேல்முருகன், ஞாயிற்றுக்கிழமை நெய்வேலி வட்டம் 21, 30 பகுதிகளில் வாக்குச் சேகரிப்பில் ஈடுபட்டார். 

              நெய்வேலியில் இயங்கிவந்த அரசுப் போக்குவரத்துக் கழகப் பணிமனை வடலூருக்கு மாற்றம் செய்யப்பட்டுள்ளது.   நெய்வேலியிலிருந்து ஏராளமான மாணவர்கள் பெருநகரங்களில் உள்ள கல்லூரிகளில் பயின்று வருகின்றனர். இவர்கள் வந்து செல்ல ஏதுவாக பஸ் வசதி இருந்துவந்ததாகவும், தற்போது முன்னர் இருந்தது போன்று பஸ் வசதி இல்லை எனவும் நெய்வேலி வாசிகளாகிய நீங்கள் கூறிவருகிறீர்கள். 

              எனவே வடலூரில் இருக்கும் பணிமனையைப் போன்று நெய்வேலியிலும் அரசுப் போக்குவரத்துக் கழகப் பணிமனையை ஏற்படுத்துவது தொடர்பாக போக்குவரத்துத் துறையிடம் பேசி அதற்கு தீர்வுகாண நடவடிக்கை மேற்கொள்வேன். நெய்வேலி வட்டம் 21, 30 பகுதிகளில் வசிக்கும் மக்களுக்கு மின்சாரம் கிடைப்பது தொடர்பாகவும், தர வாடகை ரத்து தொடர்பாகவும் என்.எல்.சி. நிர்வாகத்திடம் ஏற்கெனவே பேசியுள்ளேன். சட்டமன்றத்திலும் இதுகுறித்து பதிவு செய்திருக்கிறேன். எனவே வரும் காலத்தில் இதற்கு நிரந்தரத் தீர்வு காணும் வகையில் எனது நடவடிக்கை அமையும் என்றார் வேல்முருகன்.

நெய்வேலி சட்டமன்றத் தொகுதி பா.ம.க. வேட்பாளர் தி.வேல்முருகன் நெய்வேலி புதுநகர் பகுதிகளில் சூறாவளி தேர்தல் பிரச்சாரம்

நெய்வேலி:

             நெய்வேலி சட்டமன்றத் தொகுதி பா.ம.க. வேட்பாளர் வேல்முருகன் நெய்வேலி புதுநகர் பகுதிகளில் சூறாவளி தேர்தல் பிரசாரம் மற்றும் வாக்கு சேகரிப்பில் ஈடுபட்டு வருகிறார். 
 
            நேற்று நெய்வேலி புதுநகருக்கு வடக்கே அமைந்துள்ள சிலோன் குவாட்டர்ஸ் (இலங்கை குடியிருப்பு பகுதிகளில்) வாக்கு சேகரிப்பை தொடங்கினார். திறந்த வேனில் கூட்டணி கட்சியான தி.மு.க., விடுதலை சிறுத்தைகள், காங்கிரஸ் கட்சியை சேர்ந்த தலைமை நிர்வாகிகள் மற்றும் தி.மு.க. நகர செயலாளர் புகழேந்தி, பா.ம.க. நகர செயலாளர் சக்கரவர்த்தி உள்ளிட்ட தொழிற்சங்க நிர்வாகிகள், பகுதி செயலாளர்கள், துணை தலைவர்கள், செயற்குழு உறுப்பினர்கள் ஆகியோருடன் சென்று வாக்கு சேகரிப்பில் ஈடுபட்டனார்.

பின்னர் வேல்முருகன்  கூறியது:-

             நெய்வேலி 1-வது வட்டம், 7-வது வட்டத்தில் சுமார் 10 ஆயிரத்துக்கும் மேற்பட்ட இலங்கை குடியிருப்பு வாசிகள் வசித்து வருகின்றனர். இவர்களுக்கு கடந்த 25 ஆண்டுகளுக்கு முன்பு எம்.ஜி.ஆர். காலத்தில் வீடுகள் கட்டிக் கொடுக்கப்பட்டன. இந்த வீடுகள் தற்சமயம் பல்வேறு இடங்களில் விரிசல் ஏற்பட்டு மழை காலங்களில் வீடு முழுவதும் பாதிக்கப்படுவதாகவும், சரியான வடிகால் வசதி இல்லாமல் உள்ளது எனவும் இங்குள்ள மக்கள் என்னிடம் கூறியுள்ளனர். இவர்களின் அத்தியாவசிய இந்த 2 கோரிக்கைகளையும் மனதில் வைத்து, சட்டமன்ற தேர்தலில் வெற்றி பெற்றதும் முதல் நடவடிக்கையாக இலங்கை குடியிருப்பு வாசிகளின் அடிப்படை வசதிகளை மேம்படுத்த, என்.எல்.சி. நிறுவனம் மற்றும் தமிழக முதல்வரிடம் முறையிட்டு நிவாரணம் பெற வழிவகை செய்வேன்.  இவ்வாறு வேல்முருகன் கூறினார்.


நெய்வேலியில் கொளுத்தும் வெயிலில் பா.ம.க வேட்பாளர் வேல்முருகன் வாக்கு சேகரிப்பு

நெய்வேலி:

                நெய்வேலி தொகுதி பா.ம.க. வேட்பாளர் வேல்முருகன் கொளுத்தும் வெயிலில் நெய்வேலி டவுன்ஷிப் 1-வது வட்டத்திலிருந்து 10-வட்டம் வரை வாக்கு சேகரிப்பில் ஈடுபட்டார். காலை 10 மணிக்கு நெய்வேலி புதுநகர் 1-வது வட்டம் பெரியார் சிலைக்கு, அமைச்சர் எம்.ஆர்.கே.பன்னீர்செல்வம் மற்றும் வேட்பாளர் வேல்முருகன் ஆகியோர் மாலை அணிவித்தார்.

            பின்னர் முக்கிய வீதிகள் வழியாக செல்லும் பொதுமக்கள், வணிகர்கள், தொழிலாளர்களிடம் வேல்முருகன் வாக்கு சேகரித்தார். வாக்கு சேகரிப்பின்போது தி.மு.க. நகர செயலாளர் புகழேந்தி, தொ.மு.ச. நிர்வாகிகள் வீர.ராமச்சந்திரன், கோபாலன், ரகுராமன், காத்தவராயன், பா.ம.க. நகர செயலாளர் சக்கரவர்த்தி, பாட்டாளி தொழிற்சங்க நிர்வாகிகள் பெருமாள், திலகர், மோனிகா, சுப்ரமணியன், முன்னாள் வன்னியர் சங்க தலைவர் ஜோதிலிங்கம், சிவந்தான்செட்டி, ராசவன்னியன், ஸ்ரீதர், முருகேசன், ஆரோக்யதாஸ், சம்பூவராயர், ஜோதிபிரகாசம், காங்கிரஸ் நகர செயலாளர் கோவிந்தராஜ், பாலாஜி, ராதாகிருஷ்ணன், கலியபெருமாள், சந்திரமோகன், திருநாவுக்கரசு, நிக்ஸன் உள்பட ஏராளமானோர் கலந்து கொண்டனர்.
 
பின்னர் வேல்முருகன் கூறியது:-


               தமிழகத்தில் மீண்டும் தி.மு.க. ஆட்சி அமைவதில் எள்ளவும் சந்தேகமில்லை. கட்சி பாகுபாடின்றி தி.மு.க.வை சேர்ந்த தொ.மு.ச., பா.ம.க.வை சேர்ந்த பாட்டாளி தொழிற்சங்கம், விடுதலை சிறுத்தைகள் கட்சியை சேர்ந்த தொழிலாளர் விடுதலை முன்னணி, மூவேந்தர் முன்னேற்றக் கழகத்தை சேர்ந்த மூ.மு.தொழிற்சங்கம், காங்கிரஸ் கட்சியை சேர்ந்த ஐ.என்.டி.யூ.சி. தொழிற்சங்கம் உள்பட அனைத்து கூட்டணி அமைப்பினரும் எனது வெற்றிக்காக கடுமையாக பாடுபட்டு வருகின்றனர்.

             இவர்களின் தொய்வில்லாத பணி தமிழகத்தில் மீண்டும் கலைஞர் ஆட்சியை உறுதி செய்து வருகிறது. அவர்களுக்கு என்றென்றைக்கும் நன்றி கடன் பட்டுள்ளேன். கலைஞர் ஆட்சியின் பல்வேறு சாதனைகளை மக்கள் உணர்ந்துள்ளனர். அதன் வெளிப்பாடே நான் செல்லும் இடங்கலெல்லாம் மீண்டும் கலைஞர் ஆட்சி தேவை என்று பொதுமக்கள் கூறுகின்றனர். இவ்வாறு அவர் கூறினார்.

நெய்வேலியில் என்.எல்.சி. நிறுவனம் சார்பில் மருத்துவம் மற்றும் பொறியியல் கல்லூரி : பா.ம.க.வேட்பாளர் வேல்முருகன்

நெய்வேலி : 

              நெய்வேலி நகரம் எந்த அளவிற்கு அடிப்படை வசதிகளுடன் திகழ்கிறதோ அதுபோலவே நெய்வேலி தொகுதி முழுவதையும் மின்னொளியால் ஜொலிக்கச் செய்வேன் என பா.ம.க., வேட்பாளர் வேல்முருகன் கூறியுள்ளார்.

இதுகுறித்து  பா.ம.க., வேட்பாளர் வேல்முருகன் கூறியது: 

                   என்.எல்.சி.,யில் பணி புரியும் ஒப்பந்த தொழிலாளர்கள் மற்றும் இன்ஜினியர்களுக்கு கிடைக்க வேண்டிய சலுகைகளை பெற்றுத் தருவேன். நெய்வேலி ஜவகர் அறிவியல் கல்லூரியில் இலவச கல்வி வழங்க நடவடிக்கை எடுப்பேன். மேலும், நெய்வேலியில் என்.எல்.சி., நிறுவனம் சார்பில் மருத்துவம் மற்றும் பொறியியல் கல்லூரி உருவாக்கிக் கொடுக்கவும், அதில் என்.எல்.சி., தொழிலாளர்களின் பிள்ளைகளுக்கு இலவச கல்விக்கு நடவடிக்கை எடுப்பேன். 

                என்.எல்.சி.,யில் ஐ.டி.ஐ., அப்ரண்டீஸ் முடித்தவர்களுக்கும், என்.எல்.சி., பணியாளர்களின் வாரிசுகளுக்கு வேலை பெற்றுத் தருவேன். என்.எல்.சி., நிறுவனத்திற்காக வீடு, நிலம் வழங்கிய, இழந்த மண்ணின் மைந்தர்களுக்கும் என்.எல்.சி.,யில் வேலை வாங்கித் தருவேன். நெய்வேலியில் உள்ள அனைத்து தனியார் பள்ளிகளிலும் நியாயமான கட்டணத்தை வசூலிக்கச் செய்வேன். தென்குத்து வானதிராயபுரம் கிராமங்களில் சுரங்கங்களுக்கு வைக்கப்படும் வெடியால் பாதிப்பு ஏற்பட்டு வருகிறது. 

               எனவே, இந்த கிராம மக்களுக்கு மாற்று குடியிருப்பு, நஷ்ட ஈடு மற்றும் வீட்டிற்கு ஒருவருக்கு வேலை பெற்றுத் தருவேன். என்.எல்.சி., நிர்வாகம் தொகுதி வளர்ச்சிக்காக வழங்கும் 2 கோடி ரூபாயை 5 கோடி ரூபாயாக உயர்த்தி பெற்று அதனைக் கொண்டு கிராமங்களுக்கு குடிநீர், சாலை வசதிகளை ஏற்படுத்தி கொடுப்பதோடு, நெய்வேலி நகரில் உள்ளது போல் தொகுதியை மின்னொளியால் ஜொலிக்கச் செய்வேன். மகளிர் சுய உதவிக்குழுக்களுக்கு தேவையான அனைத்து வசதிகளையும் ஏற்படுத்தி கொடுப்பேன். 

               முந்திரிக் கொட்டை உடைக்கும் தொழிலில் ஈடுபட்டுள்ள தொழிலாளர்களுக்கு தனி நலவாரியம் அமைக்க பாடுபடுவேன். மேலும், நெய்வேலி பிளாக் 21, 30 தாண்டவன்குப்பம் பகுதியில் வசூலிக்கப்படும் தரை வாடகையை ரத்து செய்து, மின் வசதியை ஏற்படுத்தி தருவேன். இவ்வாறு பா.ம.க., வேட்பாளர் வேல்முருகன் கூறினார்.

நெய்வேலியில் அரசு மருத்துவ கல்லூரி அமைய பாடுபடுவேன்: பா.ம.க. வேட்பாளர் வேல்முருகன்

நெய்வேலி:

               நெய்வேலியில் உள்ள பாட்டாளி தொழிற்சங்க அலுவலகத்தில் தொழிற் சங்கம் மற்றும் பா.ம.க. கட்சி நிர்வாகிகள் ஆலோசனை கூட்டம் நடந்தது. பாட்டாளி தொழிற்சங்க பொதுச்செயலாளர் திலகர் வரவேற்றார். தலைவர் பெருமாள் முன்னிலை வகித்தார்.  
கூட்டத்தில் நெய்வேலி தொகுதி பா.ம.க. வேட்பாளர் வேல்முருகன் கலந்து கொண்டு பேசியது:-

                  நெய்வேலியில் அமைந்துள்ள தொழிலாளர் முன்னேற்ற சங்கம் மற்றும் பாட்டாளி தொழிற் சங்கம் ஆகியவைகள் அங்கீகரிக்கப்பட்ட தொழிற்சங்கங்களாக உள்ளன. இந்த தொழிற் சங்கங்களின் உறுப்பினர்கள் முனைப்புடன் கூட்டணி கட்சியினருடன் ஒற்றுமையுடன் செயல்பட்டு தி.மு.க. கூட்டணியை வெற்றி பெற செய்ய வேண்டும். நெய்வேலியில் தொழி லாளர்களின் பல்வேறு பிரச்சினைகளுக்காக களமிறங்கி போராடி வெற்றி பெற்றுள்ளேன்.

               பா.ம.க. கூட்டணி வெற்றிக்கு அனைவரும் பாடுபட வேண்டும். முன்னாள் மத்திய மந்திரி அன்புமணியின் கனவை நனவாக்கும் வகையில் நெய்வேலியில் அரசு மருத்துவ கல்லூரி அமைக்க பாடுபடுவேன். 21, 30 ஆகிய வட்டங்களில் குடியிருக்கும் குடிசை வாழ் மக்களின் அடிப்படை பிரச்சினையான குடிநீர் மற்றும் மின்சாரம் பெற்றுத்தர முதல்-அமைச்சர் கருணாநிதியிடம் பலமுறை பேசியுள்ளேன். அவரும் கலெக்டர் மற்றும் என்.எல்.சி. நிறுவன தலைவரிடம் பேசியுள்ளார். இந்த பிரச்சினையை தீர்க்க நடவடிக்கை எடுப்பேன். இவ்வாறு அவர் கூறினார்.

               கூட்டத்தில் நெய்வேலி நகர செயலாளர் சக்கரவர்த்தி மற்றும் நிர்வாகிகள் ஜோதி பிரகாசம், வளர்மதி, பாட்டாளி தொழிற்சங்க பொருளாளர் மோனிகா, அலுவலக செயலாளர் சுப்பிரமணியன், வன்னியர் சங்க முன்னாள் செயலாளர் ஜோதிலிங்கம் உள்பட பலர் கலந்து கொண்டனர்.

நெய்வேலி சட்டமன்றத் தொகுதியில் பா.ம.க.வேட்பாளர் வேல்முருகன் வேட்பு மனு தாக்கல்





நெய்வேலி : 

            ""என்.எல்.சி., அதிகாரிகளுக்கு எதிரானவன் என, சில விஷமிகள், புரளியை கிளப்பி விடுகின்றனர்,'' என, பா.ம.க., வேட்பாளர் வேல்முருகன் கூறினார். கடலூர் மாவட்டம் நெய்வேலி சட்டசபை தொகுதியில் போட்டியிடும் அவர், நில எடுப்பு துணை கலெக்டர் கந்தசாமியிடம்  மனு தாக்கல் செய்தார்.

 பின்பு  பா.ம.க., வேட்பாளர் வேல்முருகன் கூறியது 

                   நான், என்.எல்.சி., அதிகாரிகளுக்கு எதிரானவன் என்பது போன்ற புரளியை, சில விஷமிகள் திட்டமிட்டு பரப்பி வருகின்றனர். நான், என்.எல்.சி.,யில் பணிபுரியும் அனைவருக்கும் பாதுகாப்பாக இருப்பேன். ஒப்பந்த தொழிலாளர்கள் பிரச்னைகளை விரைவில் முடித்துக் கொடுப்பேன். நெய்வேலி தொகுதியில் என்.எல்.சி., தொழிலாளர்களுக்கு எவ்வித குறையும் கிடையாது. அவர்கள் மகிழ்ச்சியுடன் உள்ளனர். அவர்களுக்கு ஏதேனும் பிரச்னைகள் உருவானால், தொ.மு.ச., - பா.தொ.ச. உள்ளிட்ட அனைத்து கட்சியின் தொழிற்சங்க நிர்வாகிகளுடன் இணைந்து பிரச்னைகளை சரி செய்வேன். இவ்வாறு வேல்முருகன் கூறினார்.

நெய்வேலி சட்டமன்றத் தொகுதியில் போட்டியிடும் பாமக வேட்பாளர் தி.வேல்முருகன் அறிமுகம் செய்யும் கூட்டம்

நெய்வேலி:

      தொழிலாளர்களிடையே இவர் நிரந்தரத் தொழிலாளி, இன்னொருவர் ஒப்பந்தத் தொழிலாளி என பேதம் பார்த்து பணியாற்றவில்லை. அனைவரின் கோரிக்கைக்காகவும் நான் குரல் கொடுத்து போராடியிருக்கிறேன் என நெய்வேலியில் திங்கள்கிழமை நடந்த வேட்பாளர் அறிமுகக் கூட்டத்தில் திமுக கூட்டணி சார்பில் போட்டியிடும் பாமக வேட்பாளர் வேல்முருகன் பேசினார்.  

              நெய்வேலித் தொகுதியில் திமுக கூட்டணி சார்பில் போட்டியிடும் பாமக வேட்பாளர் தி.வேல்முருகனை அறிமுகம் செய்யும் கூட்டம் நெய்வேலியில் உள்ள அமைச்சர் எம்.ஆர்.கே.பன்னீர்செல்வத்தின் குடியிருப்பில் திங்கள்கிழமை நடந்தது. இக்கூட்டத்திற்கு திமுக நகரச் செயலர் புகழேந்தி தலைமைவகித்தார். 

               அமைச்சர் எம்.ஆர்.கே.பன்னீர்செல்வம் வேல்முருகனை அறிமுகம் செய்து வைத்து, அவருக்கு ஆதரவாக தேர்தல் பணியாற்ற வேண்டும் என நெய்வேலி நகர திமுகவினருக்கு உத்தரவிட்டார்.  


இதைத்தொடர்ந்து நெய்வேலித் தொகுதி பாமக வேட்பாளர் தி.வேல்முருகன் பேசுகையில்,

                 ""நான் அடிப்படையில் திமுகவில் இருந்து பின்னர் பாமகவில் வளர்ந்து வந்தவன். எனது தொகுதிக்குட்பட்ட மக்களுக்காக நான் குரல் கொடுப்பதில் என்றைக்கும் தயங்கியது கிடையாது. மனதில் பட்டதை வெளிப்படையாக பேசும் குணம் உள்ளவன்.  திமுக தலைமைக்கும், பாமக தலைமைக்கும் இடையே ஒரு அணிலாக இருந்து தூது சென்று கூட்டணி அமைய காரணமாக இருந்துள்ளேன்.  

                என்னைப் பற்றி உங்களுக்கு ஏதேனும் தவறான அபிப்பிராயம் இருந்தால் அதை நேரிடையாக கேளுங்கள் நான் உங்களுக்கு பதில் கூற கடமைப்பட்டுள்ளேன்.  நான் பண்ருட்டி சட்டமன்ற உறுப்பினராக இருந்த போதிலும், இங்குள்ள ஜவகர் பள்ளி ஆசிரியர்கள் பிரச்னை, அப்ரண்டீஸ் இளைஞர்கள் பிரச்னை, வட்டம் 21-30 மக்களின் வாழ்வாதார பிரச்னை, ஒப்பந்தத் தொழிலாளர்கள் பிரச்னை என அனைத்து பிரச்னைகளுக்கும் சட்டமன்றத்தில் குரல் கொடுத்து மாநில அரசின் கவனத்தை ஈர்த்துள்ளேன்.  

                நிரந்தரத் தொழிலாளர்களின் போனஸ், ஊக்கத்தொகை பிரச்னைகளுக்கும் குரல் கொடுத்ததோடு, இங்குள்ள தொழிற்சங்க நிர்வாகிகளோடு ஒன்றாக அமர்ந்து பிரச்னை முடியும் வரை அவர்களுக்காக போராடியிருக்கிறேன்.  எனது தொகுதி வாசிகளின் பிரச்சனைகள் தீர 24 மணிநேரமும் உழைக்க நான் காத்திருக்கிறேன்'' என்றார் வேல்முருகன்.,  

                   கூட்டத்தில் திமுக, காங்கிரஸ், பாமக, விடுதலைச் சிறுத்தைகள், மூமுக, முஸ்லிம் லீக் உள்ளிட்ட கட்சிகளின் நிர்வாகிகள் கலந்துகொண்டனர். நெய்வேலியில் வசிக்கும் பண்ருட்டி திமுக வேட்பாளர் சபா.ராஜேந்திரனும் வேல்முருகனுக்கு ஆதரவு அளிக்கவேண்டுமென திமுகவினரை கேட்டுக்கொண்டார். 

நெய்வேலி சட்டமன்றத் தொகுதி பாமக வேட்பாளர் திரு. தி.வேல்முருகன் வாழ்க்கை வரலாறு

 http://meenakam.com/wp-content/uploads/2010/08/velmurugan-mla-e1290761202333-150x150.png

கட்சி : பா.ம.க. 
பெயர் : தி.வேல்முருகன் 
வயது : 40 
கல்வி : பி.ஏ. 
வசிப்பிடம் : பண்ருட்டி
தொழில் : விவசாயம் 
சமூகம் : வன்னியர் 
பொறுப்பு : பாமக மாநில இணைப் பொதுச் செயலர் 
பதவி : பண்ருட்டி எம்.எல்.ஏ.  ( 2006 )
குடும்பம் : மனைவி - காயத்ரி
தந்தை - திருநாவுக்கரசு 
தாய் - தனகோடி அம்மாள்

நெய்வேலி சட்டமன்றத் தொகுதியில் பா.ம.க. தேர்தல் பணிகள் துவக்கம்

பண்ருட்டி : 

             நெய்வேலி தொகுதி பனிக்கன்குப்பம் ஊராட்சியில் பா.ம.க., வினர் சின்னம் வரையும் பணிகள் துவங்கினர். பண்ருட்டி தொகுதியில் இருந்த முந்திரி பயிர் செய்யும் கிராமங்கள் தற்போது மறுசீரமைப்பில் நெய்வேலி என்.எல்.சி., உள்ளடக்கி நெய்வேலி தொகுதியானது.

              இதனால் பண்ருட்டி எம்.எல்.ஏ., வேல்முருகன் நெய்வேலி தொகுதியில் போட்டியிட முடிவு செய்து கடந்த சில ஆண்டுகளாகவே நெய்வேலி தொகுதியில் பூத் வாரியாக தேர்தல் பொறுப்பாளர்கள் நியமித்து பணிகளை துவங்கினார். கடந்த சில வாரங்களாக கிராமங்களில் உள்ள வீட்டின் சுவர்களில் விளம்பரம் செய்வதற்காக வெள்ளையடித்தனர். நேற்று முன்தினம் முதல் மாம்பழ சின்னம் வரைந்து, சாதனை பட்டியல்களை எழுதி பணிகள் செய்து வருகின்றனர்.

பாமக முதற்கட்ட வேட்பாளர்கள் பட்டியல் அறிவிப்பு

    திமுக கூட்டணியில் இடம்பெற்றுள்ள பாமகவுக்கு 30 தொகுதிகள் ஒதுக்கப்பட்டுள்ளன.   30 தொகுதிகளில் முதற்கட்ட வேட்பாளர்கள் பட்டியலை பாமக அறிவித்துள்ளது.



அதன் விபரம்:
 
1. மேட்டூர் -கோ.க.மணி, 

2. ஜெயங்கொண்டம் -ஜெ.குரு, 


 3. நெய்வேலி- தி.வேல்முருகன்

கடலூர் மாவட்டத்தில் 2 தொகுதிகளில் பாமக போட்டி


             திமுக கூட்டணி கட்சிகள் போட்டியிடும் தொகுதிகள் நேற்று முடிவு செய்யப்பட்டன.    திமுக - பாமக உடன்பாடு ஏற்பட்டது.    இதையடுத்து திமுக தலைவர் கருணாநிதியும், பாமக நிறுவனர் ராமதாசும் உடன்பாட்டில் கையெழுத்தும் இட்டனர்.

      தமிழக சட்டசபை தேர்தலில் தி.மு.க. கூட்டணியில் பா.ம.க கட்சி போட்டியிடும் 30 தொகுதிகள் பட்டியல்  வெளியிடப்பட்டது. அதில் கடலூர் மாவட்டத்தில் பாட்டாளி மக்கள் கட்சிக்கு 2 தொகுதிகள் ஒதுக்கப்பட்டுள்ளது. நெய்வேலி, மற்றும் புவனகிரி சட்டமன்றத் தொகுதிகள்
பாட்டாளி மக்கள் கட்சிக்கு ஒதுக்கப்பட்டுள்ளது. 

             நெய்வேலி  தொகுதியில் எம்.எல்.ஏ.தி. வேல்முருகன் வேட்பாளராகவும்   புவனகிரி தொகுதியில் அரியலூர் மாவட்டத்தை சேர்ந்த திரு. அறிவுசெல்வன்  அல்லது திரு.தேவதாஸ் படையாட்சியார் அல்லது திரு.பேராசரியர் திருநாவுகரசு வாய்ப்பளிக்கப்படும் என எதிர்பார்க்கபடுகிறது.

நெய்வேலி சட்டமன்றத் தொகுதியில் வேல்முருகன் போட்டி


தொகுதி வரைபடம்.
நெய்வேலி:
 
            தி.மு.க. கூட்டணியில் அங்கம் வகித்துள்ள பா.ம.க.வுக்கு நெய்வேலித் தொகுதி ஒதுக்குவது என முடிவு செய்யப்பட்டிருப்பதாக தெரிகிறது. இதனால் நெய்வேலி தொகுதி பா.ம.க.வினர் தேர்தல் வேலைகளை தீவிரப்படுத்தியுள்ளனர்.
 
              கடந்த சட்டப்பேரவைத் தேர்தல் வரை குறிஞ்சிப்பாடித் தொகுதியிலிருந்த நெய்வேலி நகரம் தற்போது, பெரும்பாலான பண்ருட்டி ஒன்றிய கிராமங்களை உள்ளட்டக்கி நெய்வேலி தொகுதியாக உருவெடுத்துள்ளது. மாவட்டத்திலேயே குறைந்த வாக்காளர்கள் எண்ணிக்கையைக் கொண்ட தொகுதி நெய்வேலித் தொகுதியாகும். இத்தொகுதியின் மொத்த வாக்காளர்கள் 1 லட்சத்து 61 ஆயிரத்து 807. இதில் 83 ஆயிரத்து 277 ஆண் வாக்காளர்களும், 78 ஆயிரத்து 530 பெண் வாக்காளர்களும் உள்ளனர்.
 
                தி.மு.க. கூட்டணியில் நெய்வேலித் தொகுதியை பெறுவதில் கடும் போட்டி நிலவியது. இருப்பினும் 2 ஆண்டுகளாக நெய்வேலித் தொகுதியை பெற்றே தீர வேண்டும் என்று முனைப்புடன் செயல்பட்டு நெய்வேலி ஜவகர் பள்ளி ஆசிரியர்கள் போராட்டம், என்.எல்.சி.யில் பழகுனர் பயிற்சி முடித்த இளைஞர்களுக்கான வேலைவாய்ப்பு, ஒப்பந்தத் தொழிலாளர்களின் போராட்டம் என பல்வேறு பிரச்னைகளையும் தலையிட்டு, அவர்களுக்காக களமிறங்கி வெற்றி பெற்றார். 
 
              மேலும் என்.எல்.சி. விரிவாக்கப் பணிகளுக்கு வீடு, நிலம் கொடுத்தோருக்கு இழப்பீட்டுத் தொகையை ஏக்கருக்கு 6 லட்சமாக உயர்த்தியது போன்ற நடவடிக்கைகளால் வேல்முருகனுக்கு தொகுதியில் நல்ல பெயர் கிட்டியது. இதையடுத்து பா.ம.க. தலைமையிடம், தனக்கு இருக்கும் செல்வாக்கை பயன்படுத்தி, தி.மு.க. கூட்டணியில் நெய்வேலித் தொகுதி பெற்று விட்டதாக கூறப்படுகிறது. இத் தகவலறிந்த தொகுதியில் உள்ள பா.ம.க.வினர் உற்சாகமடைந்துள்ளனர்.
 
               இருப்பினும் அதிகாரபூர்வ அறிவிப்பு வெளியாகாததால், கூட்டணி கட்சியினரை சந்தித்து தேர்தல் பணிகளை தொடங்க முடியாமல் உள்ளனர் .இந்நிலையில் அ.தி.மு.க. கூட்டணியில் நெய்வேலித் தொகுதி எந்தக் கட்சிக்கு ஒதுக்கப்படும் எனத் தெரியாததால் அ.தி.மு.க.வினர் திகைப்பில் உள்ளனர். அ.தி.மு.க. சார்பில் சொரத்தூர் ராஜேந்திரன் தீவிர முயற்சி மேற்கொண்டு வருகிறார்.ஒருவேளை தி.மு.க. கூட்டணியில் பா.ம.க. சார்பில் வேல்முருகனும், அ.தி.மு.க. கூட்டணியில் அ.தி.மு.க. சார்பில் சொரத்தூர் ராஜேந்திரனும் போட்டியிடும் பட்சத்தில் போட்டி பலமானதாக இருக்கும். 
 
               ஏனெனில் கடந்த 2006-ம் தேர்தலின் போது, இவர்கள்இருவரும் பண்ருட்டி தொகுதியில் போட்டியிட்டனர். இதில் சொற்ப எண்ணிக்கையில் சொரத்தூர் ராஜேந்திரன் வெற்றி வாய்ப்பை இழந்தார். எனவே இம்முறையும் போட்டி பலமானதாக இருக்கும் என கூறப்படுகிறது.
 

நெய்வேலி சட்டமன்றத் தொகுதியில் பா.ம.க. வேட்பாளர் வெற்றிக்கு பாடுபடவேண்டும்

நெய்வேலி:

             நெய்வேலி புதுநகர் 27-வது வட்டம் யூரியா தெருவில் பாட்டாளி மக்கள் கட்சி கிளையின் நிர்வாகிகள் ஆலோசனை கூட்டம் நடந்தது. கூட்டத்திற்கு வன்னியர் சங்க முன்னாள் நகர செயலாளர் ஜோதிலிங்கம் தலைமை தாங்கினார். ராமச்சந்திரன் முன்னிலை வகித்தார்.

                உட்கிளை தலைவர் இளையபெருமாள், செயலாளர் கண்ணன், பொருளாளர் ஸ்டெல்லா மேரி மற்றும் தட்சிணா மூர்த்தி, பிரேம்நாத், திணேஷ், முத்துவேல், பாண்டியன், ஜோதிமணிகண்டன், ஜெயச்சந்திரன் உள்பட பலர் கலந்து கொண்டனர். கூட்டத்தில் பல தீர்மானங்கள் நிறைவேற்றப்பட்டன.  தமிழக சட்டசபை தேர்தலில் நெய்வேலி தொகுதியில் தி.மு.க., பா.ம.க. கூட்டணி சார்பில் பாட்டாளி மக்கள் கட்சிக்கு சீட் ஒதுக்கப்படுமேயானால் தமிழகத்திலேயே அதிக வாக்குகள் வித்தியாசத்தில் நெய்வேலி தொகுதியில் பா.ம.க. வேட்பாளரை வெற்றிபெற செய்வது. கூட்டணி கட்சி நிர்வாகிகளை சந்தித்து விடுபட்ட வாக்காளர் பட்டியலை வீடு, வீடாக சென்று சரிபார்த்தல் உள்ளிட்ட பல்வேறு தீர்மானங்கள் நிறைவேற்றப்பட்டன.